Lomaŋ 8:23 - Yálá laawoo hɛɓɛ (dc)

²³ Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Yálá laawoo hɛɓɛ

²³ Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Nįį-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Bible

²³ ǹyaŋ ŋ̀éniɛi tɔnɔ nɔ́ fei, kɛ́lɛ, kuai kpîŋ máŋ kwa wɔ́lɔ M̀ɔlêŋ ŋɔƃai maa-ŋuŋ sɔlɔ ƃoi. Kwa nyíɣɛ kúkoi-pere, ku kɛ́ maa-kpɛŋ kɛ̀ a gɛ́ɛ ku kɛ́ a lonii, kúkponôi e ŋuŋ-ma-ƃo sɔlɔ ƃo.

Lomaŋ 8:23 Referans Kwoze

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Ifisiɛŋ 1:14

Gilii tii ɓə gaa a Yálá kwɛlin gu kaa pai ɉɔlɔɓoi, tɔlɔɔ, guɔ gu wɔɔ hɔlɔɓo naa tɛ́ mɛ̨ni da mąąwiɛ mɛ̨ni hu.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Galatə 5:5

Yii ɓaa ku wɛi, Kili-Mąąhəɠɛɛ háálai, laa na laa hu, ku kaa ku tələnmo mɛ̨nį mąąkpɔn ɉii la, yai a ku mąąhəɠə mɛ̨nį, ku kilitɔɔmą.

Lomaŋ 7:24

Ee kə! Kpalo aa gáá-e! Gbɛɛ ɓə pai gúloi ɉaa kɔ́lɔi ŋɛ̨i hu?

Lomaŋ 8:19

Mąąhɔlɔɓo, pɛli hɛnŋaa kəlee liihɛlɛŋąai diɛ; Yálá lonnii mąą mɛ̨nį too yələ ponoŋą mąąkpɔn.

Lukə 20:36

Haa mɛ̨nį hvo kɛa diɛ, di kɛ pələ a kɛ yɛ malakaɠaa. Di kaa Yálá lonnii, mąąhɔlɔɓo, daa nwun.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Lomaŋ 5:5

Kilitɔɔmąą laa yaan hva nu ɓowo. Gbala ə tɔɔ, Yálá ə nwɔ wɛlikɛmąąlaa yɛɛ gu nįį pɔ Kili-Mąąhəɠɛɛ háálai, yai ə dɛɛ gu pɔ.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Kɔlɔnikɔ Veerɛi 31:5

Mɛ̨nįɠaa tii noloɓoɔ pulu, Israɛlə lonnii di pa kpɔ a di hɔlɔɓo hɛnŋąą dɔlɔɔɠaa, kpɔ kɛnɛ̨; di pa a mɔ̨nun, a lɔɔ, a wulɔ, a kwɛ̨nwulɔ, da kɔ̨nɔ̨n ɉuwui lɔpee gəlee; di bɛlɛ di hɔɔɓo hɛnŋąą kəlee bow nąą ɓa kpɔ kɛnɛ̨.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Korɛntə dɔlɔɔ 1:7

Yili ɓa tii, Yálá nwɔ mɛ̨inɛ̨ɛ̨ lɔpee ta hvo lɛɛ li pulu ká yəi, a káá ŋɛ̨i ká ɲɛ̨i kaa gu Ną́mu Jesus Kristə pa yələ tɔwɔi.

Korɛntə veelɛ 1:22

ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.