Lomaŋ 7:22 - Yálá laawoo hɛɓɛ (dc)

²² Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Yálá laawoo hɛɓɛ

²² Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Bible

²² Kpɛ́ni fêi, ŋa Ɣâla ŋɔtɔ̂ŋ mɛi kaa a lii-nɛ̃ɛ ŋ́gbîŋ kponôi.

Lomaŋ 7:22 Referans Kwoze

Mąątɛ̨nɛ̨ 1:2

Kɛlaa, niiɓa ɓaa Yai-Laa nwɔ tɔ́n nwoo, a giliŋąhiɛ mą a hvoló da kpinį.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Mąątɛ̨nɛ̨ 119:35

'Vílɛn ə́ wɔ tɔnŋaai hiɛ pələ mɛ̨i, mąąhɔlɔɓo, yili ɓə ɲąąnɛ̨ɛ̨i mą́ą́.

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Mąątɛ̨nɛ̨ 119:92

Ə li kɛ ə́ wɔ tɔn nwooi hvo kɛ a nííɓa mɛ̨nįɠaa, yɛ ŋą́ą́ haa laanɔ̨nwɔ̨ hu.

Mąątɛ̨nɛ̨ 119:16

Ə́ liiɓa mɛ̨nįɠaa kaa a nííɓa mɛ̨nįɠaa, vá lɛ̨ą ə́ woo ta ɓa.

Ifisiɛŋ 3:16

Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Mąątɛ̨nɛ̨ 119:174

Yai-Laa, ə́ yei ɓə gáá bɔ ŋį́ ɓalo hɔlɔɓo laa, ɛlɛɛ, gwə́inɛ̨ɛ̨ hɛn maa ə́ wɔ tɔn nwooi.

Mąątɛ̨nɛ̨ 119:167

Dɔnŋaai ə́ di tɔɔ, ɲéé kaa di mu, di wɛli kaa kpɔ mą́ą́ a neelee.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Mąątɛ̨nɛ̨ 119:72

Tɔn nwooi a kulɔ ə́ la, yili hviɛlaɓoɔi mą́ą́, ə tɛɛ hɛni da wali puɔ gee mɛ̨i ɓa.

Mąątɛ̨nɛ̨ 119:24

Ə́ wɔ tɔn nwooɠaai kaa a gwə́inɛ̨ɛ̨ mɛ̨nį, diɛ ɓə da níɛwooɓo.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Mąątɛ̨nɛ̨ 119:127

Nwɛ́i, ə́ wɔ tíɓoɠaai wɛli kaa mą́ą́, dɛɛ hɛni ɓa, ə mą kɛ hɛni hu waa kpɔ hva-hva.

Mąątɛ̨nɛ̨ 119:113

Huhveelɛmun nwɛli kpɛɛi mą́ą́, Kɛlaa, ə́ wɔ tɔn nwooi wɛli kaa mą́ą́.

Kolosə 3:9

'Ká hvo kɛa lɛɛ kɛ ka keeni diɛ, mąąhɔlɔɓo, gɔlɔ pɔlɔ-pɔlɔi kɛ káá, káá gulɔ káá, da ɉu yííɓo pələ;

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Levetekɔ 13:39

ɉalala laa həli mun a mąąkpɛɛ, ɉɛn tii mu a kɛ lɔ a gwəlɛɛ, kɛlaa mɔlɔɔ hvəi, mąąnɛ̨ɛ̨ gili ə pu ɉu yɛ mɛ̨nį ta hvəli, mąą nu kɔ́lɔ ka tii kwələ gɛɛnąą tii ɓa, tɔ́n və mą, kiliɠalan nɔ li.

Wɛli 5:3

Ŋą́ą́ mą́ą́ hɛnŋaa kulɔ mą́ą́, ŋą́ pənə kpɔ kɛa ləi gɛ́ gɛ mą́ą́! Ŋą́ą́ gɔ́wɔ́ ɓa kələ a nɛlɛɛ, ŋą́ pənə kpɔ kɛa ləi gɛ mąąliɓi!