Lomaŋ 7:18 - Yálá laawoo hɛɓɛ (dc)

¹⁸ Mąąhɔlɔɓo, ŋą́ gɔlɔn gwɔ́wɔ́ hu pələ, gɛ́ kɛ: Mɛ̨nį lɛlɛɛ kɛ kili hvo ɉú; mukulaa ɓaa: Yili hvo nwɔ́ nu kɔ́lɔ hu. Bələi mąn mɛ̨nį lɛlɛɛ kɛ kili kaa la ɲą́, gɛ huwalawala hvo ɲə́i.

Yálá laawoo hɛɓɛ

¹⁸ Mąąhɔlɔɓo, ŋą́ gɔlɔn gbɔ́wɔ́ hu pələ, gɛ́ kɛ: Mɛ̨nį lɛlɛɛ kɛ kili hvo ɉú; mukulaa ɓaa: Yili hvo nwɔ́ nu kɔ́lɔ hu. Bələi mąn mɛ̨nį lɛlɛɛ kɛ kili kaa la ɲą́, gɛ huwalawala hvo ɲə́i.

Bible

¹⁸ Kpɛ́ni fêi, ŋá gɔ́lɔŋ a gɛ́ɛ mɛni lɛ́lɛɛ kélee fe ŋ́gbonôi, nya ƃa ŋ́gbîŋ-tua-perei su. Ŋa ŋ̀wɛli ŋá mɛni-ŋai kɛ́ dílɛlɛɛ̂i, kɛ́lɛ, fa díkɛ̀.

Lomaŋ 7:18 Referans Kwoze

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Lomaŋ 7:25

Mąąwiɛ ə kɛ Yálá ɓa gu Ną́mu Jesus Kristə laa hu, mąąhɔlɔɓo, Yálá ɓə a pɛli mą. Ŋɔ́ kiliŋąhiɛ lɛlɛɛ hu pələ, ŋą́ą́ kɛ kɛa a Yálá nwɔ tɔ́n nwɔ timun, kɛlaa, nwɔ́ nu hvii kpɛɛ laa hu, gáá a nɛ̨ŋɛ̨n nwɔ tɔ́n nwɔ timun.

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Lomaŋ 7:19

Mąąhɔlɔɓo, mɛ̨nį lɛlɛɛ ŋą́ kɛ bɔ ŋį́ gɛ, yili hvəə ŋą́ gɛ, ɲɔ̨nwɔ̨ɔ̨ yii və́ bɔ, yili ɓə ŋą́ gɛ.

Lomaŋ 7:15

Hvó gaai, mɛ̨nįɠaai ŋą́ kɛ gɛi, vá kɛ gbaɠala kaai gbɔ́ɔ́ yəi. Mąąhɔlɔɓo, yii ŋą́ kɛ bɔ ŋį́ gɛ, yili hvəə ŋą́ gɛ. Kɛlaa, yii nwɛli kpɛɛ mą́ą́ yili ɓə mun ŋą́ kɛ gɛi.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Filipə 3:12

Və́ kɛli káá, ŋą́ą́ gəlee hɔlɔɓo, a wala kɛ ti, ŋą́ą́ mɛ̨nį kəlee aa pɛli ɉu, kpaa-o! Kɛlaa, gáá tɔɔi a nwą́nąi gilɛ həɠɛɛ hu, ə gɛ, ŋą́ həli dɔ̨nɔ̨ ɓa, mąąhɔlɔɓo, ɲą́ą́ gbɛli, Jesus Kristə ə ɉón.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 119:40

A neelee, ə́ wɔ tɔn nwooɠaai wɛli kaa mą́ą́, 'Pənə ə́ dóó nwų́nu kɔ́lɔi a ə́ wɔ tələnmolaai.

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 7:5

Ɓɛlɔwai gu kɛ la kɔ́lɔ yee kɔnmą, dɔ́n gala túwɔ́ɠaa lɔ ɓə gu kɛli mo; gu ɓá yɛ kɛ a haa nwɔɔ.

Mąątɛ̨nɛ̨ 119:173

Ə́ hvąŋą ə pa, ə kpɔnmąą tɛɛ bɔ́, mąąhɔlɔɓo ŋą́ą́ ə́ wɔ tɔn nwooɠaai həɠə ɉu, a nííɓa.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Mąątɛ̨nɛ̨ 119:5

'Ɉú wala wala ɉiɛ pələ hu, gɛ́ pɛli ə́ wɔ tiɓoɠaai kɛi,

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.