Lomaŋ 5:12 - Yálá laawoo hɛɓɛ (dc)

¹² Yɛ bələi gaa la, nu laa pɔɔ ɓə nɛ̨ŋɛ̨n nɔ yɛnɛ̨ɛ̨, mąą nui ɓaa Adamə, nɛ̨ŋɛ̨n ɲaan, ə pa a haa; yili ɓə gɛ haa yɛ həli nu kəlee ɓa, mąąhɔlɔɓo, nu Kɛlaa daa nɛ̨ŋɛ̨n ɉəɠə.

Yálá laawoo hɛɓɛ

¹² Yɛ bələi gaa la, nu laa pɔɔ ɓə nɛ̨ŋɛ̨n nɔ yɛnɛ̨ɛ̨, mąą nui ɓaa Adamə, nɛ̨ŋɛ̨n ɲaan, ə pa a haa; yili ɓə gɛ haa yɛ həli nu kəlee ɓa, mąąhɔlɔɓo, nu Kɛlaa daa nɛ̨ŋɛ̨n ɉəɠə.

Bible

¹² Núu tɔnɔ ƃé pà a sɔnyɔ̂ŋ ǹɔii su, sɔnyɔ̂ŋ ǹyaŋ ƃé pà a saa. M̀ɛni ma saa a táa-taa núu kélee ma, kpɛ́ni fêi, núu kélee a sɔnyɔ̂ŋ kɛ́.

Lomaŋ 5:12 Referans Kwoze

Lomaŋ 5:19

Yɛ bələi nu tɔ̨nɔ̨ nwɔ kulɔ nwoo mu laa, ə nu kəlee kɛ la a nɛ̨ŋɛ̨n ɉəɠə nuą, bələ lɔ ɓə nu tɔ̨nɔ̨ nwɔ lɛɛ nwoo mu laa, a nu kəlee kɛ la a tələnmo nuą.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Lomaŋ 5:18

Yili ɓa, bələi lɔ Adamə yaa tɔ̨nɔ̨ gbən ɉɔn ə nu kəlee nwun na pili la, bələ lɔ ɓə, Jesus Kristə nwɔ tələnmo túwɔ́, aa nu kəlee ɓalo Yálá nwɔ kitii ɓa, ɛlɛɛ, yɛ ɓalo hva kpɛɛ tɛɛ di pɔ.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Korɛntə dɔlɔɔ 15:56

Haa təli ɓaa: Nɛŋɛ̨n; nɛ̨ŋɛ̨n yaan, ŋą huwalawala ɓaa: Tɔ́n.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.