Lomaŋ 4:21 - Yálá laawoo hɛɓɛ (dc)

²¹ Gili ə kɛ kpɔ kɛ, yɛ kɛ mɛ̨nįi ə naakwɛlanmo mą, a pɛli bɔ mɛ̨nį kɛi.

Yálá laawoo hɛɓɛ

²¹ Gili ə kɛ kpɔ kɛ, yɛ kɛ mɛ̨nįi ə naakwɛlanmo mą, a pɛli bɔ mɛ̨nį kɛi.

Bible

²¹ È kɛ̀ a gɔ́lɔŋɔɔ kpɔ́ a ǹɛ́lɛɛ a gɛ́ɛ m̀ɛnii Ɣâla è góno tèe lai, pɔ̂ri káa mì é gɛ́.

Lomaŋ 4:21 Referans Kwoze

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Hebreu 11:19

Abrahamə ə kɛli kɛ gbɔwɔ ɓa; nu ə mą haa, Yálá a pɛli nwun ɉi; yili ɓə gɛ non ə pənə ə lɛɛ ɲəi, yɛ a nwun yɛ kulɔ haa yəi.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Lukə 1:45

Mari, nwun na nɛ̨ɛ̨mun mąą a yɛ́, mąąhɔlɔɓo, mɛ̨nį ŋɛ̨i Ną́mu Yálá ə mo malaka ɓa yɛ pa moi yɛ́, yáá laa na yɛ́ diɛ: nąą kaa pai hvɛɛi.»

Ɉeremi 32:27

«Ɲą́ą́ Yai-Laa, ɲą́ą́ ɓə hɛn gəlee pɛli, mɛ̨nį ta kaa mɔ̨ɔ̨ laa yii vá pɛli gɛi?

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Korɛntə veelɛ 9:8

Huwalawala kaa Yálá yəi, yɛ pɛli ká yee laa hvɛɛi a mɛ̨inɛ̨ɛ̨ huwui lɔpee gəlee, yii mąąkpaan gaa káá, mɛ̨nį kəlee hu, a yələ kəlee, yɛ pɛli kɛi ká yəi; ɛlɛɛ, káá nwɔ̨nɔ̨ pɛli kóló lɛlɛɛ huwui lɔpee gəlee kɛi la.

Lomaŋ 14:4

Gbɛɛ ɓaa a yɛ́, yai, nui hvo a yɛ́ tímun, yɛ́ giti tee? Ə tɔɔ-o, ə too-o; ə́ wɔɔ lə mɛ̨nį ɓə ɉu? Da Ną́mu di lɔwai li. Ɛlɛɛ, ɲee kaa pai lɔi, mąąhɔlɔɓo, hvaŋą kaa gu Nąmu yəi, yɛ dɛɛ bɔ.

Lomaŋ 8:38

A tɛ̨ą, náái na gɛ́, haa ɓə, yɛnɛ̨ɛ̨ kɛɛ ɓə, malakaɠaa ɓə, heemɛ̨ilaa ɓə, háákələi ɓə, tinąą ɓə, huwalawalaɠaa ɓə,

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Lukə 1:1

Nwɛ́li kɛ mąą mun Teofilə, yɛ pələi ə́ gbaɠala kɔ́lɔn na, mɛ̨nį kpɛa-kpɛaai ŋɛ̨i kɛ ɓɛ nɔi, nu tamąą daa gɔɠɔ tɔɔ diɛ hɛɓɛ́ pɛ̨ɛ̨ yɛ hvilɛn na mɛ̨nįɠaa tii ɓa.

Lomaŋ 14:5

Hvóló kəlee hvo nu taɠaa ɲɛ̨i ɓa tanɔ̨n, ə ɓo dakpɛliɠaa ɲɛ̨i ɓa tanɔ̨n. Hvo kɛ li nu kəlee kili la ə kɛ a deɛ nwɔ kiliŋąhiɛ hu.