Lomaŋ 4:2 - Yálá laawoo hɛɓɛ (dc)

² Akɛ tələnmolaai Abrahamə ə ɉɔlɔɓo Yálá ɲɛ̨i ɓa, ə Ɉɔlɔɓo dúwɔ́ pələ hu, a pɛli mą kɛ ə gbɔwɔ ɲąą kɛnɛ̨. Kɛlaa, hva pɛli gbɔwɔ ɲąą kɛnɛ̨i Yálá ɲɛ̨i ɓa.

Yálá laawoo hɛɓɛ

² Akɛ tələnmolaai Abrahamə ə ɉɔlɔɓo Yálá ɲɛ̨i ɓa, ə Ɉɔlɔɓo dúwɔ́ pələ hu, a pɛli mą kɛ ə gbɔwɔ ɲąą kɛnɛ̨. Kɛlaa, hva pɛli gbɔwɔ ɲąą kɛnɛ̨i Yálá ɲɛ̨i ɓa.

Bible

² Dîi Eberaɣɛ̃ɛ kɛ̀ a tɔ̃yâ-nuu ŋɔtíi sârai, gɛ̀ ní mɛni da eêi pɔ̂ri kɛ̂i naa é yoŋka tée la, kɛ́lɛ, Ɣâla ŋɛ́i fêi.

Lomaŋ 4:2 Referans Kwoze

Korɛntə dɔlɔɔ 1:31

Ya ɓə a gɛ, yɛ bələi ɉɛɓɛ́ ə mo la, yɛ kɛ: «Nui yɛ ə gbɔwɔ ɲąąkɛnɛ̨, ə gbɔwɔ ɲąąkɛnɛ̨ gu Nąmu hu.»

Korɛntə veelɛ 11:30

Akɛ mąąnɛ̨ɛ̨ nu ə gbɔwɔ ɲąą kɛnɛ̨, nwɛ́i ŋą́ hviikpɛɛlaa hu ɓə ŋą́ gbɔ́wɔ́ ɲąą kɛnɛ̨ laa.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Ifisiɛŋ 2:9

Yili hva kulɔ nu túwɔ́ pələ hu, nu ta hvo pa nəi gbɔwɔ ɲąą kɛnɛ̨ ɉu.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Korɛntə dɔlɔɔ 1:29

Ya ɓə a gɛ, Yálá ŋą pɛli hɛn da hva gbɔwɔ ɲąąkɛnɛ̨ la ti Yálá ɲɛ̨i ɓa.

Korɛntə veelɛ 5:12

Ku hvo pənəi kuɔ ku kpɔwɔ mąą mɛ̨nį lɛ káá, kɛlaa ku kaa bɔ, ká ɲɛ̨i ə pono ku mąą mɛ̨nį hu, nuąi di nwun dɛ mɛ̨nį kaa a ɲɛ̨i həɠə mąą, hva həɠə di koo kpala,, káá pɛli di woo hu tooi.

Lomaŋ 15:17

Ŋą́ pɛli gbɔ́wɔ́ ɲąą kɛnɛ̨ Yálá kólói mąą mɛ̨nį ɓa Jesus Kristə hu.

Zɛnɛse 12:18

Tɔɔmun ə Abramə təli, ə mąąnikɛ, yɛ mą: «Lə mɛ̨nį ɓə ɲɛ̨i ə́ gɛ a ɲą́ą́i? Lə mɛ̨nį ɓa hvo kɛ gílaa pɔ̨nɔ̨ li yɛ́ kɛ mą́ą́ ə́ nɛ̨ą ɓaa Sarai?

Korɛntə veelɛ 11:12

Ɛlɛɛ, bələi ŋɛ̨i gáá gɛi la, bələ lɔ ɓə nwɔ̨nɔ̨ gáá pai gɛi, əgɛ, nuąi di kpɔwɔ mąątɛ̨nɛ̨ wɛlikaa diɛ, ŋą́ yili giliŋąhiɛ kulɔ di yəi, a diɛi da di kpɔwɔ kaa, yɛ kuɔ.

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Izikiɛ 8:9

Yɛ mą́ą́: «'Lɔ, mowo mɛ̨nį ɲɛ̨i kɛnɛ̨ɠaai di kaa gɛi ɓɛ, ə́ 'gaa.

Zasua 24:2

Ɉosue yɛ Israɛlə lonnii diɛ: «Mɛ̨nįi Yai-Laa Israɛlə nwɔ Yálái kaa moi, ya ka: Ɲá lee kɛnɛ̨i tii pulu pələ ɓə wɔlɔ ka nąnnii di kɛ la heeni; Abrahamə da Nahɔrə di nąn Tɛra, diɛ haliɠaa kɔ́.

Zɛnɛse 12:20

Tɔɔmun ə mo nwɔ kɛlaɠaai diɛ, yɛ diɛ: «Ka li ka ɉulɔnui ŋɛ̨i da nɛ̨ą di laa lɛ ɲɛ̨n bələ ɓa, da di yəi hɛnŋaa kəlee.»