Lomaŋ 4:11 - Yálá laawoo hɛɓɛ (dc)

¹¹ Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Yálá laawoo hɛɓɛ

¹¹ Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Bible

¹¹ È kpɛtɛ laa ŋɛi-kɛ-maa sɔlɔ ƃô yɛ̂ɛ sere-faa a gɛ́ɛ é dɔ̃yâ-laai lɛ́, nyíi kɛ̀ ǹyêei laa-la sârai, gɛ́ɛ dífe niî gbɛtɛ níi. M̀aa sapoi ƃé kɛ̀ a gɛ́ɛ Eberaɣɛ̃ɛ é kɛ́ a diai laa-la káa díyêei dífe kpɛtɛ níi dínâŋ, nyíi-ŋai Ɣâla è dísiɣe a tɔ̃yâ-ƃelai.

Lomaŋ 4:11 Referans Kwoze

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lukə 19:9

Jesus yɛ diɛ: «Ɓalo mɛ̨nį aa həli bɛlɛ́i ŋɛ̨i ɓa háákələi, mąąhɔlɔɓo, ɉulɔnui ŋɛ̨i yaa kpɛli gaa a Abrahamə lon da.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Korɛntə veelɛ 1:22

ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Ifisiɛŋ 1:13

Yaa tii ɉu lɔ ɓə nwɔ̨nɔ̨, ká dɛ̨ą woo mɛ̨n na, yai a nwɛlɛɛ lɛlɛɛi a nu nwun mąąɓo, yaa ɉu lɔ ɓə nwɔ̨nɔ̨, ká laa na laa hɔlɔɓo laa, ɛlɛɛ, yɛ gɔlɔn ɉii kɛ káá, a Gilii ə naakwɛlanmo, yai a Kili-Mąąhəɠɛɛ.

Galatə 6:16

Lúwɔ́ ə kɛ, nuąi di kaa hiɛi gbaaləi tii mɛ̨i, diɛ; ə kɛ lɔ tii, Yálá ŋą nu huwui kəlee ɓa.

Galatə 5:5

Yii ɓaa ku wɛi, Kili-Mąąhəɠɛɛ háálai, laa na laa hu, ku kaa ku tələnmo mɛ̨nį mąąkpɔn ɉii la, yai a ku mąąhəɠə mɛ̨nį, ku kilitɔɔmą.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Galatə 3:7

Káá kpinįi ká mɛ̨nįi tii gɔɔn mąą kɛ tai, laa na nuą ɓə a Abrahamə lonnii.

Lomaŋ 10:11

Hvó gaai, Yálá lawoo hɛɓɛ́ yɛ diɛ: «Nui lɔpee a laa ná hva nwumɛ̨.»

Lomaŋ 10:6

Kɛlaa, tələnmolaai a kulɔ laa na hu, nwoo ka: 'Hvó kɛ mą ə́ kwəi pələ, gbɛɛ ɓə pai tɛi yələi? Gaa yɛ yá kɛli kɛ ə́ Kristə kulɔ yələi ə́ ɲɛɛ.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Ɉaan 6:35

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

M̀ɛni-lɛɛi 9:4

Di tɔn dɔɔ diɛ, di hvo kɛ di kaa mɛ̨nį ɲɔ̨n gɛi a kala tɛlinŋaai lɔi mɛ̨i, da wulu, ə mą kɛ, hihɛn nɔpee ta, kɛlaa, ə kulɔ lɔ nuąi tii Yálá kɔ́lɔn ɉii hvo kɛ di tɔwɔla.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Lomaŋ 9:30

Gwa kɛ kpɔ lə? Nuąi di hvo a Ɉuifəɠaa, diɛi di hvo kɛi tələnmolaa kwɛli Yálá ɲɛ̨i ɓa, daa tələnmolaa hɔlɔɓo Yálá yəi; laa na laa hu.

Lomaŋ 9:6

Və́ kɛli diɛ: Yálá nwɔ mįnɛ̨i kalaa li. Kɛlaa yaamun, gaa má, nuąi kpɔ Israɛlə pɛlɛ́i mui, gəlee hvəə a Israɛlə lonnii.

Lomaŋ 3:26

Bələ ɓə ə kɛ la bɔ ə nwɔ tələnmolaa too la pono ŋą, ə gɛ, nuą di gɔlɔn; ə lɛɛ, nuąi da laa Jesus la ə di kɛ a tələnmo nuą.

Ɉaan 8:33

Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Ɉaan 6:47

A tɛ̨ą kpɔ-kpɔ gáá moi kaa, nui a laa ná, a yɛnɛ̨ɛ̨ yii hva kpɛɛ ɉɔlɔɓo.

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Maafîu 8:11

Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Izikiɛ 20:12

Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Lɛɛ gbɔwɔ ɓa 31:17

Yili ɓə pai kɛi kwa Israɛlə lonnii ku lɔwai a kili lɛɛ ɉu hɛn, diɛ kɛ Yai-Laa ə yələkɔlɔn da lɔi di pɛli a hvóló mɛ̨ida, mɛ̨ihveelɛ yələ ə vįitɔɔ, ə vina kulɔ.»

Lɛɛ gbɔwɔ ɓa 31:13

«Mo Israɛlə nuą diɛ, yɛ́ diɛ: Ka nwɔ́ túwɔ́ yələɠaa mąąwiɛ. Mąąhɔlɔɓo, gwa kaani gu lɔwai mɛ̨nį kɔ́lɔn bələ li a yələ kəlee. Ə gɛ, nuą diɛ pɛli gbaɠala kaai diɛ kɛ Ɲą́ą́ Yai-Laa, ɲą́ą́ ɓə ka mąąhəɠə.

Lɛɛ gbɔwɔ ɓa 12:13

«Kɛlaa ka wɛi, ɲąmąi tii ɓə pai kɛi a ka wɔ pɛlɛ́ɠaai kɔ́lɔn ɉɛn. Ŋą́ ɲąmąi tii kaa, ŋą́ laŋįn ka mɛ̨i, mɛ̨nį nwąnąąi pai laai Eziptə lɔi ɓa, da hva həli la kaa.

Lomaŋ 9:33

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Gáá kwɛni laai Siɔn, nui a kɔwɔ tuwɔ mą a too. Kɛlaa, nui a laa na, hva nwumɛ̨.»

Zɛnɛse 17:24

Abrahamə kaa kwɛlan ə kɛ pow mɛ̨inąąn kɔ́w mɛ̨inąąn, ɓɛlɔwai di ɉee la kɛ́nɛ̨ ɓa.

Mąątɛ̨nɛ̨ 47:9

Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu.

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Lomaŋ 3:30

Hvo gaai, Yálá kaa tanɔ̨n, yaa lɔ ɓə pai kɛnɛ̨lɛa tələnmoi laa na laa háálai, ə kɛnɛ̨ kpolowaɠaa tələnmoi laa na laa háálai.

Lomaŋ 4:10

Kɛlaa, akɛti mįnɛ̨ lɔwai ɓə yili ə kɛ la? Ɓɛlɔwai ə kɛ la a kɛ́nɛ̨ kpolɔwa a wala kɛti kɛ́nɛ̨ lon? Kpaa! Yili hvo kɛ gɛ́nɛ kɛɛ pulu. Ə kɛ nwɔ kɛ́nɛ̨ kpolɔwa laa hu.