Lomaŋ 2:8 - Yálá laawoo hɛɓɛ (dc)

⁸ Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Yálá laawoo hɛɓɛ

⁸ Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Bible

⁸ Kɛ́lɛ, diai da tûa nɔ́ a díkpîŋ nia pere dífa dɔ̃yâi mɛni siɣe a tɔ̃yâ, kɛ́lɛ, díkɛ ŋ̀wana-lɔ̂ɔ mɛni siɣe a tɔ̃yâi, da pâi kɛ̂i Ɣâla a pâi díkula maa kɛ̂i.

Lomaŋ 2:8 Referans Kwoze

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Hebreu 10:27

Kɛlaa, yii lɔ a kɛ laa, ya ɓaa, kítí wala wala da nwɔn gbɔlu yɛhɛ yɛhɛi, gaa nuąi daa di kwɛli tee, di mąą kpɔn ɉii.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Taitɔ 3:9

Kɛlaa, mɛ̨nį kpɛli-kpɛliɠaa kwɛliɛ, nu kaa pələ mɛ̨nįɠaa, hɛatoɔ, dɔn mɛ̨nį mąąhɛatoɔ, 'ə́ laa kulɔ yiliɠaai hu, gaa kpɔ a kpɛli-kpɛli mɛ̨nį, nwun və mą.

Korɛntə dɔlɔɔ 11:16

Nu ta a tɔɔ yɛ gaa yili mąą hɛatooi, ku hvo ku muhəɠə li a yili, ə mą kɛ Yálá nwɔ kpɔn ɓə.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Lomaŋ 10:16

Kɛlaa, nu kəlee hvo ɲee heeli nwɛlɛɛ lɛlɛɛ mu. Esai ə mo nwɔ̨nɔ̨ yɛ diɛ: «Námu, nwɛlɛɛ lɛlɛɛi ku naa həlii, gbɛɛ ɓə laai na?»

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Zôo 24:13

Nu ɲɔ̨nwɔ̨ɔ̨ɠaa da ɲɔw kɛɛ pɔ̨nɔ̨ ɓa, di hvo pələ haŋąą kɔ́lɔn, di hva hiɛ pələ haŋąą mɛ̨i.

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Kɔlɔnikɔ Veerɛi 6:23

'Lɛɛ yələ kɔ́lɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ di lɔwai woo ɓo, nui ɉɔn gɛ, ə́ ɉutɔɔ a nwɔ nɛ̨ŋɛ̨n yɛɛ yá mo a nwun; ɛlɛɛ, ə́ tələnmomun ŋą tələnmolaa too pɔ̨nɔ̨ ŋą, ə́ ɉon, yɛ bələi dələnmoɔ la.

Hanwon 11:23

Mɛ̨ni lɛlɛɛ lɔ ɓə tələnmo nuą da mąąkpɔn, nwąnąlɔnuą, líi holi ɓə a hee di tɔwɔ.

Ɉeremi 34:18

«Nui a nwɔ́ mįnɛ̨i mąą kala, a mįnɛ̨i di hvaa mą, di di yee hee mu ɲɛ̨́i ɓa, di hvo bɔ mɛ̨nį kɛ li. A mįnɛ̨i di ɉəɠə, diɛ Nįŋɛ̨ lon ɉu tee ɉu hveelɛ, ə lɛɛ diɛ tɛɛ mɛla hveelɛi lɔwai.

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Filipə 1:17

Diɛi tii, da Kristə mąą mɛ̨nį laa həli a kili ɲɔ̨nwɔ̨ɔ̨, di kwəi kili hvo lɛlɛ li, di kwəi kili ɓaa, di nwɔ́ɔ́ gahoi ŋą mɔ̨nɔ̨ ta kɛ mą.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Zĩi 3:14

Kɛlaa, tolo a kɛ ká hu, da wɛlikpɛɛmąą laa, ká hvo ká kpɔwɔ ɲąąkɛnɛ̨, ɛlɛɛ, ká hvo lɛɛ pɛlɛ tɛ̨ą ɓa a ká túwɔ́ pələ.

Zĩi 3:16

Mąąhɔlɔɓo, ɓɛi tolo kaa laa da wɛlikpɛɛmąą laa, nąą ɓə woo taɠa-taɠa kaa laa da mɛ̨nį ɲɔ̨n gəlee.