Lomaŋ 16:19 - Yálá laawoo hɛɓɛ (dc)

¹⁹ Nu kəlee kili kaa ɉu diɛ ka woo mɛ̨n naa kɛ. Ká mąą mɛ̨nį a gwə́inɛ̨ɛ̨, yii gáá bɔ ya ɓaa ka kɛ a kilimąą nuą, ka mɛ̨nį lɛlɛɛ kɛ ka mɛ̨nį ɲɔ̨n mąą laa.

Yálá laawoo hɛɓɛ

¹⁹ Nu kəlee kili kaa ɉu diɛ ka woo mɛ̨n naa kɛ. Ká mąą mɛ̨nį a gwə́inɛ̨ɛ̨, yii gáá bɔ ya ɓaa ka kɛ a kilimąą nuą, ka mɛ̨nį lɛlɛɛ kɛ ka mɛ̨nį ɲɔ̨n mąą laa.

Bible

¹⁹ Kpɛ́ni fêi, berei máŋ núu kélee dí gɔ́lɔŋ la a gɛ́ɛ woo-mɛni káa káyêei, ǹyaŋ ńii nɛ̃ɛ kámɛni mai, ŋa ŋ̀wɛ̂lii ka kɛ́ a kátareɛ mɛni lɛ́lɛɛ mɛni ma, káfè kɛ̀ a sɔnyɔ̂ŋ-mɛni kɔlɔŋɔɔ;

Lomaŋ 16:19 Referans Kwoze

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Lomaŋ 1:8

Gɛɛ və́ mɛ̨nį lɔpee ta ɓo, gáá nwɔ Yálá hɛɠɛɛɓoi Jesus Kristə laa hu ka mąą mɛ̨nį ɓa. Mąąhɔlɔɓo, nu kəlee kaa ka wɔ laa na mɛ̨nį mąą kɛla hvaa ɓoi a nɛlɛɛ.

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Mąątɛ̨nɛ̨ 101:2

Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Lukə 10:3

Ka li, gáá ka tɔɔi yɛ ɓɛlaa lonnii kwɛliɠaa lɔwai.