Lomaŋ 15:33 - Yálá laawoo hɛɓɛ (dc)

³³ Gɛ́ liilaa Yálá ə kɛ ka kəlee ka pɔ; kɛi a mo tii Yálá ə kə! Mįiną!

Yálá laawoo hɛɓɛ

³³ Gɛ́ liilaa Yálá ə kɛ ka kəlee ka pɔ; kɛi a mo tii Yálá ə kə! Mįiną!

Bible

³³ Nii-see-Ɣalai é kɛ́ kákelee kákɔlɛ. É kɛ́ ti.

Lomaŋ 15:33 Referans Kwoze

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Korɛntə dɔlɔɔ 14:33

Mąąhɔlɔɓo, Yálá hvə puɉu mɛ̨nį kɛ Yálá, kɛlaa gaa a liilaa Yálá. Yɛ bələi a kɛ kɛi la gbɔn mąąhəɠɛɛɠaa hu,

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Lomaŋ 16:23

Gaiusə yai a nwɛ̨́ą́ ną́mu, yɛ ɓo a gbɔn nwɛ̨ą nąmu, yɛ ka túwɔ́ɓo. Erastə yai a daa hɛngɔw laikɛ mun, yɛ ka tuwɔ ɓo, ə mą kɛ, gu nąn non Kuartusə yaa kpɛli, yɛ ka tuwɔ ɓo.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Rutə 2:4

Nąąlɔwai, ɉu hvo kpɛli kwɛa, Boozə ə həɠə Bɛtleɛmə, ə pa ɲəi ɲɛa. Ə nwoo pili gbai tee nuą diɛ, yɛ diɛ: «Yai-Laa ə kɛ ka pɔ!» «Diɛ kpɛli diɛ mą: Yai-Laa ə lúwɔ́ too yɛ́.»

Ifisiɛŋ 6:23

Liilaa ə kɛ nąn nonnii diɛ, wɛlikɛmąąlaa da laa na laai, da həɠə gu Nąn Yálá da gu Ną́mu Jesus Kristə di yəi, di kɛ ká pɔ.