Lomaŋ 15:3 - Yálá laawoo hɛɓɛ (dc)

³ Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Yálá laawoo hɛɓɛ

³ Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Bible

³ Kpɛ́ni fêi, Kôrai fe gbîŋ líi láa ni; kɛ́lɛ, yɛ̂ɛ berei bɔ̃yɛɛ̂i lai, “Mɛni nyɔ́mɔɔ-ŋai dí mò e pîlaŋ yâi, gélee e pù ŋ́ûa.”

Lomaŋ 15:3 Referans Kwoze

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.

Filipə 2:8

Ə gbɔwɔ mąą yɛɛ, ə lɛɛ woo mu laa kɛ, ə lɛɛ ɉu, ə haa la, ə haa kpɔ la ɓa.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Ɉaan 8:29

Nui dɔ́ɔ́, gaa bɔ́, hvo kɛ ɲą́ą́ dɔ̨nɔ̨ nɛ́ɛ́ li. Mąąhɔlɔɓo, niiɓa lɔ ɓə gáá gɛi a yələ kəlee.»

Maafîu 26:42

Jesus ə pənə ə li a veelɛnąą, yɛ Yálá hvɛli yɛ kɛ mą: «Ną́n, akɛ mɔ̨nɔ̨ ŋɛ̨i hva pɛli hvólói mą́ą́, hvo kɛli lɔ a həli mą́ą́, bələi ə́ kaa la bɔ, ə kɛ tii a ɲą́ą́.»

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Ɉaan 15:24

Ə li kɛ və́ pa, və́ kpalo mɛ̨nįɠaa kɛ di lɔwai, yii nui lɔpee ta hva pɛli gɛi, nɛ̨ŋɛ̨n və li kɛ diɛ. Kɛlaa, yiihu kɛa, daa mɛ̨nįɠaa tii kaa, diɛ ku wɛli kpɛɛ mąą laa kulɔ a kuɔ, ɲą́ą́ kwa Ną́n.

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Maafîu 27:44

Ə mą kɛ nuą ɉɔi kɛ di kpanwoɔ kolɔwa ɓa gwɛlɛ, diɛ kpɛli di kɛi nalan nɔ tii.

Filipə 2:5

Mąąnɛ̨ɛ̨ ka wɔ kiliŋąhiɛ ə kɛ lɔ yɛ pələi Kristə nwɛi ə kɛ la.