Lomaŋ 15:19 - Yálá laawoo hɛɓɛ (dc)

¹⁹ a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Yálá laawoo hɛɓɛ

¹⁹ a kpalo mɛ̨nį da kwɛlɛɛn mɛ̨nį nwɔ huwalawalalaa, a Nįį-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Bible

¹⁹ da ŋɛi-kɛ-maa-ŋa da mɛni kpaya-kpaya díwala-walai, da M̀ɔlêŋ Maa Waai ŋɔwála-walai a gɛ́ɛ ŋa Kôrai ŋɔtuŋ lɛ́lɛɛi ƃo é síɣe Zerusâlɛŋ e seri Iliɛkɔŋ gwaa kélee.

Lomaŋ 15:19 Referans Kwoze

Korɛntə veelɛ 12:12

Mɛ̨nįɠaai da gɛla kɔlɔn na, káá di kaa diɛ kɛ ɓɛ ká ɲɛ̨i ɓa, liikpələ ɲąąhɛn mɛ̨nį kəlee hu, kwɛlɛɛn mɛ̨nįɠaa hu, kpalo mɛ̨nįɠaa hu, kɛ mɛ̨nį walawalaɠaa hu.

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Galatə 3:5

Yálái ŋą Kili tɛɛ ká pɔ, ɛlɛɛ, yɛ kwɛlɛɛn mɛ̨nįɠaa kɛ ká lɔwai, gaa mɔ̨ɔ̨ gɛi tii, gbala ə tɔɔ, ká káá dɔn bɔ yíiɓoi? Awala kɛ tii, mąąhɔlɔɓo, ká ká wəli tɔɔ, laa na laa mąą wɛlɛɛ ɓa?

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Gɛlaɠaa 20:6

Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvoló lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Gɛlaɠaa 18:1

Həɠəi Polə ə mo Atɛnə daai, Korɛntə daai ɓə ə li laa.

Gɛlaɠaa 17:15

Nuą ti li Polə tɔɔi bələi, da diɛni də li kpɔ di həli Atɛnə daai. Yili pulu, di yali di pulu, di pa a Polə nwɔ wɛlɛɛ Silasə da Timote di pɔ, ə gɛ, yiliɠaai di laŋąn mą, a mąąhulaa.

Gɛlaɠaa 16:18

Ə kɛli gɛ ti hvoló tamąą yee mu. Gɛ pələi ti, Polə líí ə holi, ə tinɛ̨n yɛ ɲinɛ̨n ti ɓa: «Gáá moi yɛ́, Jesus Kristə laa hu, 'həɠə nɛ̨ɛ̨nui ŋɛ̨i pulu.» Ɲąąɓa, ɲinɛ̨n ti ə nɛɛmą ə həɠə bulu.

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Gɛlaɠaa 14:25

Di Yálá lawoo laa həli Pɛrsə, diɛ li Atalia daai.

Gɛlaɠaa 14:20

Kɛlaa, pai galan nɛa di mo di mąątínɛ̨n, ə muhəɠə da diɛni di tɛ taai. Mąą yələ laa ɓoɔ, da Barnabasə di tɛɛ diɛ li Dɛrbe.

Gɛlaɠaa 14:10

Polə ə mo mą a nwoo kɛnɛ̨ yɛ mą: «'Haŋą ə́ tɔɔ ə́ kɔ́wɔ mɛ̨i!» Ɉulɔnui ti ə muhəɠə, ə teen ə hvilɛn, yɛ hiɛ.

Gɛlaɠaa 14:6

Yiliɠaa di gbaɠala kaa, di di mąąkilɛ Likaoni taaɠaa hu: Listrə da Dɛrbe, da nąą kwɛlɛ taaɠaa.

Gɛlaɠaa 13:51

Polə da mɛlan di di kɔ́wɔ ɓa muluun kpɛŋɛ̨n diɛ mɛ̨i, di tɛɛ diɛ li Ikoniumə.

Gɛlaɠaa 13:14

Kɛlaa, ɓɛlɔwai di həɠə la Pɛrsə daai, də li Antiɔsə daai Pisidi lɔi hu. A hvįįtɔɔ yələ ta, di lɔ Yálá hvɛli pɛlɛ́ mu, di hee;

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Maafîu 12:28

Kɛlaa, akɛ Yálá nwɔ Kilii nwɔ huwalawala ɓə gáá ɲį́nɛ̨n gbɛi la nuą pulu, Yálá-taa tɔɔlaa aa pa aa həli kaa.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Kolosə 1:25

ŋą́ kɛ a ŋą tímun, yɛ bələi, Yálá ə mąą laa tɛɛ la bɔ́, ká mąą mɛ̨nį ɓa; ə gɛ, ŋą́ Yálá laa woo laa həli mɛ̨nį laa kulɔ,

Lomaŋ 15:24

Ŋą́ kɛli pa lii Ɛspaɲə lɔi hu, gáá pai həli ka pɔɔli. Ŋą́ kɛi tɛɛ gɛ́ li, gáá bɔ ŋą pa ŋį́ ɲɛ̨́i tɔɔ kaa, ə lɛɛ ŋį́ ka wɔ kpɔnmąą hɛn ɉɔlɔɓo gɛ́ li la nɔi ti hu, akɛ gwa kaa ni gwa lɔwai tawolo kɛ gu kee ɓa.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.