Lomaŋ 15:17 - Yálá laawoo hɛɓɛ (dc)

¹⁷ Ŋą́ pɛli gbɔ́wɔ́ ɲąą kɛnɛ̨ Yálá kólói mąą mɛ̨nį ɓa Jesus Kristə hu.

Yálá laawoo hɛɓɛ

¹⁷ Ŋą́ pɛli gbɔ́wɔ́ ɲąą kɛnɛ̨ Yálá kólói mąą mɛ̨nį ɓa Jesus Kristə hu.

Bible

¹⁷ Gɛ̀ ní, sâpo káa ńyêei Zîsɛ Kôrai kponôi a gɛ́ɛ ńii é nɛ̃ɛ ŋɔtíi mɛni ma Ɣâla mi.

Lomaŋ 15:17 Referans Kwoze

Hebreu 5:1

Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Korɛntə veelɛ 12:1

Hvo kɛli mɔ̨ɔ̨ nu ə gbɔwɔ ɲąą kɛnɛ̨, ya pa, hɛn da hvo ɉu! Ɛlɛɛ yaan, gwɛlɛɛn gɛɛɠaai da mɛ̨nįɠaai gu Nąmu ə di lɛ mą́ą́i, ŋą́ą́ həli diɛ.

Korɛntə veelɛ 7:4

Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Lomaŋ 4:2

Akɛ tələnmolaai Abrahamə ə ɉɔlɔɓo Yálá ɲɛ̨i ɓa, ə Ɉɔlɔɓo dúwɔ́ pələ hu, a pɛli mą kɛ ə gbɔwɔ ɲąą kɛnɛ̨. Kɛlaa, hva pɛli gbɔwɔ ɲąą kɛnɛ̨i Yálá ɲɛ̨i ɓa.