Lomaŋ 15:14 - Yálá laawoo hɛɓɛ (dc)

¹⁴ Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Yálá laawoo hɛɓɛ

¹⁴ Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Bible

¹⁴ Ŋánûa, ńyãa kpîŋ ńii lâai kámɛni ma a gɛ́ɛ káa kpîŋ kálaa fɛɛ̂i a lɛ́lɛ-laa, kálaa fɛ́ɛ a táre kélee, pɔ̂ri kɛ́ ƃo káa a gɛ́ɛ ka sɛŋ lɛ kákîe-ni dîa.

Lomaŋ 15:14 Referans Kwoze

Piɛrə veelɛ 1:12

Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Tɛsalonikə dɔlɔɔ 5:11

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Korɛntə dɔlɔɔ 8:10

Kɛlaa, yɛ́i mɛ̨nįi ti dɛ̨ą kɔlɔn, da ə́ kaa heeni hali kɔi, yɛ́ nąą hɛn mįi, yili hva kɛ a nuąi di hvįikpɛɛ di lan ɉɛn?

Korɛntə dɔlɔɔ 8:7

Kɛlaa, nu kəlee hvə dɛ̨ą tii kɔ́lɔn. Nu taɠaa daa kulɔ hali yíi hu a nįnɛ̨, bɔɔ ə ɓo ni diɛ, da kɛi ɉuwɔɠaa tii mįi, da kɛ gaai yɛ hali kɔ́ hɛn gbɔ-kpɔ, di wɔɔ kiliŋąhiɛ hvįikpɛɛ pələ, diɛ kɛ gɔ̨nɔ̨n tii a kɛ di mąąliɓii.

Korɛntə dɔlɔɔ 1:5

Hvó gaai, Jesus Kristə háálai ɓə, káá yeelahvoloon lɔpee gəlee hɔlɔɓo la, yɛ ə kɛ a woo, yɛ ə kɛ a mɛ̨nį kɔlɔnŋąą kəlee.

Filemɔn 1:21

Ə wɔ woo mɛ̨n naa ɓə gílítɔɔi ma, gɛ́ ɉɛɓɛ́ ŋɛ̨i pɛ̨ɛ̨. Náái na gɛ́, yii gáá vɛli yɛ́ ə́ kaa pai gɛi ə tɛɛ nwɔ́ kiliŋąhiɛ ɓa.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Hebreu 6:9

Yii ɓaa ká wɛi, nwɛ́likɛmąą nuą, ku mą kɛ mɛ̨nįɠaa ti ɓoi, ku laai na kuɔ: Ká káá bələ haŋąa mɛ̨i, yai a ɓalo pələ.

Hebreu 5:12

Káá wɔlɔ lamun mɛ̨nįi ŋɛ̨i hu, káá ɓə kɛ, mąąnɛ̨ɛ̨i ká kɛ a nuą mąąkwɛli nuą, ya ka káámun káá kɛ a nuą mąąnɛ̨ɛ̨i di di mąąkwɛli tɛɠa, Yálá laa woo hu mɛ̨nį dɔlɔɔɠaa diɛ; káá kɛ kpɔ la tii kɛa yɛ, lɛapɛlɛɛi da ɲįnį tɔɔ di la, di hva pɛli kɔ̨nɔ̨n nwalawala mįi.

Timote veelɛ 1:5

Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Korɛntə veelɛ 8:7

Kɛlaa, yɛ bələi mɛ̨nį kəlee kaa la ká yəi kɛnɛ̨: Laa na laa, laa-kpan-ɉu tee, mɛ̨nį kɔ́lɔnŋąą, kwəinɛ̨ɛ̨ huwu lɔpee gəlee, da wɛlikɛmąąlaa yai ká ɉɔlɔɓo ku yəi; mąąnɛ̨ɛ̨ ká wɔɔ nú-kpɔwɔlaa hɛn, ɉu ə kɛnɛ̨ lɔ tii.

Tɛsalonikə veelɛ 1:11

Mɛ̨nįi kwa kɛ Yálá hvɛlii la káá a yələ kəlee, yaa li, ə gɛ, kuɔ Yálá ə ká kaa a nuąi di mąą mɛ̨nį pɛliɛ, dəli ɓoi ə naa həli káá, ɉu; ɛlɛɛ, ŋą huwalawalalaa háálai, ká yee ə pɛli niiɓa mɛ̨nį lɛlɛɛɠaa kɛi, ɛlɛɛ, ká wɔɔ laa na laa bɔ túwɔ́ ə kɛ mą