Lomaŋ 14:19 - Yálá laawoo hɛɓɛ (dc)

¹⁹ Yili ɓə gaa mą, ká gu liilaa hee pələ kwɛli gu kee lɔwai.

Yálá laawoo hɛɓɛ

¹⁹ Yili ɓə gaa mą, ká gu liilaa hee pələ kwɛli gu kee lɔwai.

Bible

¹⁹ Mɛni ma kwaa ku mɛni-ŋai kɛ̂ nyíi-ŋai da pâ a lii-sêe da kpɔŋ-maa kúkîe-ni su kpanaŋ mɛni mai.

Lomaŋ 14:19 Referans Kwoze

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Markə 9:50

«Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Maafîu 5:9

Nwun na nɛ̨ɛ̨ nuą ɓaa nuąi da hvaa kpɛɛ. Mąąhɔlɔɓo, Yálá a di təli a nonni!

Piɛrə dɔlɔɔ 3:11

Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Korɛntə dɔlɔɔ 14:26

Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Timote dɔlɔɔ 1:4

Ɛlɛɛ, di hvo kąnąn tɔwɔ-tɔwɔ pɔlɔ kiliinŋąą ɓa, yai kpɛla pələi hvo mą, yiliɠaa ɓə da pa a hɛa kpɛli-kpɛli toɔ, yii hvo hvilɛn ni Yálá ŋą mɛ̨nį pɛliɛ ɓa, yai naa kulɔi ɓaa a laa na laa.

Korɛntə veelɛ 12:19

Kɛlɛi, ɉu aa kwɛa, a kɛ ká kwəi, ku kaa ku kpɔwɔ nwun mąąkɔ̨nwɔ̨i ká ɲɛ̨i ɓa-e? Kpaa-o, Yálá ɲɛ̨i ɓa, Kristə hu ɓə ku kaa pələ ɓoi laa. Yili kəlee hu, nwɛ́likɛmąą nuą, ká hutɔɔ mɛ̨nį ɓə a mɛ̨nį lɛlɛɛ.

Korɛntə dɔlɔɔ 7:15

Akɛ nui hvo a laa na mun, a kɛ yɛ ə mɛlan nɛɛ, 'ə nɛɛ; yili a kɛ tii, galan non mąą aa holoon. Yálá ə ka təli, ə gɛ, ka ká wɔ yɛnɛ̨ɛ̨ kɛ liilaa hu.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə dɔlɔɔ 10:23

«Mɛ̨nį kəlee mąą laa kaa gu ɲəi», kɛlaa gəlee hva mą́ą́ hon. «Mɛ̨nį kəlee mąą laa kaa gu ɲəi», kɛlaa, mɛ̨nį kəlee hvə a gu tɛ tɔwɔ.

Korɛntə dɔlɔɔ 14:3

Kɛlaa, nui a kɛ Yálá kwəi mɛ̨nį hukulɔi, a kɛ ɉukulɔi nuą diɛ, yɛ di tɛ tɔwɔ, yɛ di liɛwoo kɛ, yɛ di hvaŋąlɔ.

Korɛntə dɔlɔɔ 14:4

Nui a kɛ hį́iwooɠaa ɓoi, a gbɔwɔ ɓə a dɛ tɔwɔ, kɛlaa, nui a kɛ Yálá kwəi mɛ̨nį kulɔi, a gbɔn tɛ tɔwɔ.

Korɛntə dɔlɔɔ 14:5

Gáá bɔ ká kəlee, káá hį́iwooɠaa ɓo, kɛlaa, yii kpɔ nwɛli kaa mą́ą́, ya ɓaa, 'Káá Yálá kwəi mɛ̨nį hukulɔ nuą diɛ. Nui a Yálá kwəi mɛ̨nį hukulɔ, gɛnɛ̨i dɛɛ, hį́iwooɠaa ɓomun ma, hvo kɛli lɔ kan, mąą nu a kɛli ɉį́iwooɠaa ti mukulaa lɛ, gbɔn yɛ pɛli tɛi la tɔwɔ.

Ifisiɛŋ 4:12

bələ ɓə, ə Kristalɛaa heekpəlin na kɛ la, diɛ pɛli Kristə kɔlɔ ɲąąkɔn ɉii,