Lomaŋ 13:7 - Yálá laawoo hɛɓɛ (dc)

⁷ 'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Yálá laawoo hɛɓɛ

⁷ 'Ká nu kəlee nwɔ tɛɛ bɔ. 'Ká nįihɔ̨nwɔ̨ tɛɛ nįihɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Bible

⁷ Zɛŋ kélee gáa a dípɔɔi, ka dɛɛ dípɔ. Ka ŋuŋ-fela-fei tɛɛ ŋuŋ-fela-fei kula-ƃela pɔ, ka sɛŋ-kao tɛɛ ǹúui pɔ gáa a bɔ́ɔi. Ka ŋumɛ-maa tɛɛ diai pɔ ŋumɛ-maa a lî dípɔi, ka ƃaa kɛ́-maa tɛ́ɛ diai pɔ ƃaa kɛ́-maa a lî dípɔi.

Lomaŋ 13:7 Referans Kwoze

Lukə 20:25

Ya ɓə Jesus a kɛ diɛ yɛ: «Yii kani gaa tii, 'ka Sesarə nwɛi tɛɛ Sesarə pɔ, 'ka Yálá nwɛi tɛɛ Yálá pɔ.»

Maafîu 17:25

Piɛrə yɛ mą: «A kɛ gulɔi.» Ɓɛlɔwai Piɛrə ə lɔ la bɛlɛ́n, Jesus ɓə tɔlɔɔ pələ pili mą, yɛ mą: «Akɛti, gbɛɛ ɓə mąąnɛ̨ɛ̨ ə nįįhɔ̨nwɔ̨ kulɔ tɔɔmun ma, nɔi lon mə mɔ̨ɔ̨? A wala kɛ tii, nwea ɓə?»

Hanwon 24:21

Nón, ɲɔw Yai-Laa ɓa, da tɔɔmun. Nuąi da nɔgili kɛ, diɛ mɛ̨nįɠaa mąąhvalin, 'hvó too di pɔ.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Ifisiɛŋ 6:5

Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.

Timote dɔlɔɔ 6:1

Nuąi kpɔ di kaa luwɔlaa ŋą kpono hu, di mąąnɛ̨ɛ̨i di di nąmįną mąąwiɛ, yili ɓə a gɛ, Yálá laa hva kala, ɛlɛɛ, da kalan mɛ̨nį.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Markə 12:17

Jesus yɛ diɛ: «Akɛ yili kaa tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.» Nwoo pulu pənə tii Jesus ə gɛ, di kwəi ə pili kɛa diɛ mąą mɛ̨nį hu.

Samuɛlə dɔlɔɔ 12:18

Samuɛlə ə Yai-Laa hvɛli. Yai-Laa ə yələgbąnąą tulɔ pu, a mąą yələi tii. Nɔi lonnii kəlee di ɲɔw Yai-Laa da Samuɛlə diɛ.

Levetekɔ 19:32

«Heei tɛɛ nwun bowa nąmu pɔ, pɔlɔlaa mąąwiɛ; bələ ɓə ya ɲɔw la ə́ wɔ Yálái ɓa. Ɲą́ą́ ɓə gáá a Yai-Laa.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Hanwon 3:27

Nuąi di kaa kpaan ɉu, kpɔmąą tɛɛ di pɔ, akɛ yili ŋą yee pɛli mąą a kɛ yɛ́.

Lukə 20:22

Ku kilaa pono, gwa pɛli mɔ̨ɔ̨ nįįhɔ̨nwɔ̨ kulɔi Sesarə ɓa?»

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Lomaŋ 13:6

Mɛ̨nįi a gɛ nwɔ̨nɔ̨ guɔ nįįhɔ̨nwɔ̨ kulɔ la, yaa li. Mąąhɔlɔɓo, nįįhɔ̨nwɔ̨ hon nuąi ti, Yálá ɓə di tɔɔ la.

Tɔɔɓɛlaa dɔlɔɔ 3:17

Dɔ̨nɔ̨ yɛ mą: «Nwɔ́ mɛ̨nį nąmu tɔɔmun, mɛ̨nįi ŋɛ̨i gaa kwa nɛ̨ɛ̨nui ŋɛ̨i ku lɔwai, ɉutɔɔ. Kwa yaa ku kaa pɛlɛ́ tɔ̨nɔ̨ mu, ku lɛɛ laa a yələ ta, ŋį́ nááyɛɛ,