Lomaŋ 12:17 - Yálá laawoo hɛɓɛ (dc)

¹⁷ Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n. Ka mɛ̨nį lɛlɛɛ mąą kiliŋąhiɛ kɛ nu kəlee ɓa.

Yálá laawoo hɛɓɛ

¹⁷ Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n. Ka mɛ̨nį lɛlɛɛ mąą kiliŋąhiɛ kɛ nu kəlee ɓa.

Bible

¹⁷ Káfe mɛni nyɔ́mɔɔ gba kula a mɛni nyɔ́mɔɔ, kɛ́lɛ, ka kákili ŋa sia mɛnii ma ǹɛ́lɛɛ̂i núu kélee ŋɛi.

Lomaŋ 12:17 Referans Kwoze

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Lomaŋ 14:16

Hɛn nɛlɛɛ ə́ ɲɛ̨i ɓa, mąą hvo nɛ̨ɛ̨li hvo kɛ ə́ ɓɛlan ɲɛ̨i ɓa a mɛ̨nį ɲɔ̨n.

Timote dɔlɔɔ 5:14

Gáá kani bɔ, galaninŋaai a nu nwunuɠaa di pənə, di hilɛ həɠə, di lon gaa, di di wɔ pɛlɛ́i laahɔnmo, di hvo pa nəi pələ tɛɛ gu yowoɠaa di wɔ laa pu ɉu pɔ.

Tɛsalonikə dɔlɔɔ 4:12

əgɛ, ká túwɔ́ pələ mąą ə wiɛ yɛnɛ̨ɛ̨ nuą ɲɛ̨i ɓa, ɛlɛɛ, ká hvo pa nəi hɛlɛn nu ta ɓa.

Zɛnɛse 42:25

Yili pulu, miíɠaai di paa la, di naahvɛɛ, di nwaliɠaa lɔ mɛ̨i di yəi. Ɉosɛfə ə mo, di bələ pɔ kɔ̨nɔ̨n dɛɛ niɛni pɔ.

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»

Hanwon 24:29

'Hvó kɛ mą: «Bələi tii ə gɛ la a ɲą́ą́, bələ ɓə gáá gɛi la a yaa. Bələi tii dúwɔ́ pələ kaa la, bələ ɓə gáá gwələ kulɔi la.»

Maafîu 5:24

ə́ wɔ haláá hɛn lɛɛ laa ni ɉaláá kulɔ kəhi kwɛlɛ; ə́ li, ka ka lɔwai pɛli ka nui tii. Yili pulu yɛ pa ə́ wɔ haláái kulɔi Yálá ɓa.

Rutə 3:14

Rutə ə lɛɛ laani Boozə kɔ́wɔ la, ə lɛɛ la ɉu, yələ ə ɓɔ. Kɛlaa, ə muhəɠə yələ ɓɔi lɔwai, ə kulɔ, nu ta hvo gbaɠala kaa. Mąąhɔlɔɓo, Boozə hvo kɛ bɔ, nu ta hvo Rutə pa mɛ̨nį laa kili kɔ́lɔn.