Lomaŋ 11:8 - Yálá laawoo hɛɓɛ (dc)

⁸ Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Yálá ə di kili walawala, ə di ɲɛ̨i pu, ə gɛ, di hvo kɛɛ kaa, ə di wəli wolo, ə gɛ, di hvo mɛ̨nį mɛ̨n ə lɛɛ ɉu yiihu.»

Yálá laawoo hɛɓɛ

⁸ Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Yálá ə di kili walawala, ə di ɲɛ̨i pu, ə gɛ, di hvo kɛɛ kaa, ə di wəli wolo, ə gɛ, di hvo mɛ̨nį mɛ̨n ə lɛɛ ɉu yiihu.»

Bible

⁸ yɛ̂ɛ berei bɔ̃yɛɛ̂i lai, “Ɣâla e díkili ŋá pù, é ŋɛi tɛ́ɛ dípɔ nyíi va kwaa kâai, é wóli tɛ́ɛ dípɔ nyíi va mɛni mɛnii, é lɛ́ɛ zu e seri tãi ŋí ma.”

Lomaŋ 11:8 Referans Kwoze

Dutɛrɔnome 29:4

«Kwɛlan bow nąąn ɲee mu, ŋį́ tɔɔ ka ɲɛ̨i tɔwɔ nɔi pun ɉu. Ka mąą həɠəɠaa di hvo haɠa, ka kɔ́ɔŋą kɔ́lɔɠaa di hvo haɠa.

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Gɛlaɠaa 28:26

yɛ kɛ: «‹'Li nuą tii pɔ, yɛ́ diɛ: 'Ká mąn kpɔ ká wəli tɔɔ, ká hva gbaɠala kaa; Ká mąn kpɔ ká ɲɛ̨i kpɛ̨ɛ̨, ká hva kɛɛ mąąkpɛɛ.

Azaya 6:9

Ə pənə yɛ mą́ą́: «'Lí, ə́ mo nuąi tii diɛ, yɛ́ diɛ: Ka ka wəli tɔɔ kpɔ a nɛlɛɛ, Kɛlaa ka hvo mɛ̨nį kpaɠala kaai, Ka ka ɲɛ̨i hee kpɔ a nɛlɛɛ, Kɛlaa, ka hvo hɛn da mąąkpɛɛ.

Tɔɔɓɛlaa veelɛ 17:41

Yɛ bələi ɉį́i takpɛliɠaa tii di kɛi Yai-Laa mąąwiɛ la, di yee ə ɓo di lɔ di yíi pələ pɔlɔ hu, diɛ di wɔ haliɠaai mąąwiɛ, bələ lɔ ɓə di lonnii di wɔ lonnii di kɛi túwɔ́ la háá ɓa háá.

Tɔɔɓɛlaa veelɛ 17:34

Ə mą kɛ háákələi, bələ lɔ ɓə da kɛ túwɔ́i la, di hvo kɛi ɲɔw Yai-Laa ɓa. Di hvo nwɔ̨nɔ̨ hvilɛn díɓoɠaa da ɉaláá kulɔ pələɠaa pulu, ə mą kɛ, dɔ́n nwoo da mɛ̨nįɠaai Yai-Laa ə naa Ɉakɔbə lonnii nwuɔ̨, yaai ə Israɛlə laa hee Ɉakɔbə mą.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.