Lomaŋ 11:4 - Yálá laawoo hɛɓɛ (dc)

⁴ Kɛlaa, Yálá ə nwoo ŋąą pənə ləi? Ə kɛ mą: «Ŋą́ą́ nu waa mɛ̨ihveelɛ hee ɲéé pulu, diɛi di hvo kwɛli hvilɛn ni Baalə ɓa.»

Yálá laawoo hɛɓɛ

⁴ Kɛlaa, Yálá ə nwoo ŋąą pənə ləi? Ə kɛ mą: «Ŋą́ą́ nu waa mɛ̨ihveelɛ hee ɲéé pulu, diɛi di hvo kwɛli hvilɛn ni Baalə ɓa.»

Bible

⁴ Kɛ́lɛ, Ɣâla e ŋ̀óo su tòo leŋ? “Núu wála lɔ́ɔlu mɛi feerɛ káa niî ǹyêei, nyíi-ŋai dífe niî pɛlɛ ni Bêe kɔɔ mu.”

Lomaŋ 11:4 Referans Kwoze

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Lonon mo 25:3

Israɛlə ə gbɔwɔ kɛ a Peɔrə Baalə nwɔ tímun. Yai-Laa lii ə holi Israɛlə pɔ.

Sofoni 1:4

Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Ɉeremi 19:5

Yii daa haláá kulɔi pɛli Baalə ɓa, diɛ di lonnii kələn naa Baalə ɓa; ɛlɛɛ yaan, ɲą́ą́ hvəi di tɔɔ la, yili kili hvo ta too li ɲą́.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Osia 13:1

Ɛfraimə a kɛi kɛ mɛ̨nį ɓo, di kɛi ɲɔw mą Israɛlə lɔi hu, kɛlaa Baalə mąą mɛ̨nį hu, ə ɉɔn gɛ, ə ɉu haa ɓo.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Dutɛrɔnome 4:3

Mɛ̨nįi Yai-Laa ka wɔ Yálái ə gɛ Baalə-Peɔrə, kaa kpinįi ka nąą kaa a ka ɲɛ̨ikɔw; nuąi kpɔ hvilɛn Baalə pulu Peɔrə, Yai-Laa ka wɔ Yálái ə gəlee paa ka lɔwai.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Azaya 4:3

Nąąlɔwai, nuąi pai kulɔi ɉu, Siɔn daai nuąi kpəli woloi pai lɛɛi, Ɉerusalɛmə daai nuąi pai lɛɛi a di hvulú, di kaa pai di laa heei a: nu mąąhəɠɛɛɠaa, di kaa pai di kəlee di laa pɛ̨ɛ̨i Ɉerusalɛmə, diɛ pɛli lɛɛi yɛnɛ̨ɛ̨.