Lomaŋ 10:17 - Yálá laawoo hɛɓɛ (dc)

¹⁷ Nwɛlɛɛ lɛlɛɛ mɛ̨n ŋąą ɓə laa na laa a kulɔ ɉu, nwɛlɛɛ lɛlɛɛ ɓaa: Kristə mąą mɛ̨nį laa həliɛ.

Yálá laawoo hɛɓɛ

¹⁷ Nwɛlɛɛ lɛlɛɛ mɛ̨n ŋąą ɓə laa na laa a kulɔ ɉu, nwɛlɛɛ lɛlɛɛ ɓaa: Kristə mąą mɛ̨nį laa həliɛ.

Bible

¹⁷ Mɛni ma laa-la a pâ a mɛnii núu a mɛ̀nii, ǹyaŋ mɛnii núu a mɛ̀nii, Kôrai maa-tuŋ lɛ́lɛɛi ƃa pâ la.

Lomaŋ 10:17 Referans Kwoze

Galatə 3:2

'Ká gílaa pono mɛ̨nįi ŋɛ̨i hu, akɛtii dɔn bɔ yíi háálai ɓə mɔ̨ɔ̨ ká Yálá nwɔ Kilii hɔlɔɓo la, awala kɛ tii, laa na laa mąą wɛlɛɛ lɛlɛɛi ká ká wəli tɔɔ mą ya ɓə?

Galatə 3:5

Yálái ŋą Kili tɛɛ ká pɔ, ɛlɛɛ, yɛ kwɛlɛɛn mɛ̨nįɠaa kɛ ká lɔwai, gaa mɔ̨ɔ̨ gɛi tii, gbala ə tɔɔ, ká káá dɔn bɔ yíiɓoi? Awala kɛ tii, mąąhɔlɔɓo, ká ká wəli tɔɔ, laa na laa mąą wɛlɛɛ ɓa?

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Markə 4:24

Jesus ə mo nwɔ̨nɔ̨ diɛ, yɛ diɛ: «Mɛ̨nį yiiɠaa ka káá mɛ̨n ɉi, ka gɛ a nɛlɛɛ! Pələi ka káá mɛ̨inɛ̨ɛ̨ kɔ́ɔn ɉi la kaa dɛɛ nuą pɔ, pɛlɛ lɔ ɓɛ Yálá a gɔwɔn na, ə da laa mɛ̨i ə dɛɛ ka pɔ.

Lukə 8:21

Kɛlaa, nu kpului tii kɛ di wəli tɔɔ Jesus woo ɓa, Jesus ə mo diɛ, yɛ diɛ: «Néé lonnii ɓaa a nuą ŋɛ̨i di wəli tɔɔ Yálá laawoo ɓai, ə lɛɛ, diɛ bɔ mɛ̨nį kɛ.»

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Lomaŋ 10:14

Akɛ tii, da pɛli di woo tɛ pələ kɛi ləi bɔ pələ, akɛ di hvo laa li na? Da pɛli laai ləi na, akɛ, di hvo naa woo mɛ̨n ni? Da pɛli di mąą mɛ̨nį mɛ̨n nəi, akɛ, nu ta hvo naa həli li diɛ?

Piɛrə dɔlɔɔ 1:23

káái daa ká hɔlɔɓo a lon nįnɛ̨ɠaa, hvo kɛli a híhɛn gɔwi kala kaa mą, kɛlaa gaa a híhɛn gɔwi kala hvo mą, a Yálá hvulúmąą laa wooi gaa laa a yələ kəlee.

Lukə 8:11

«Ɉanwon tii ŋį́ ɉɔɔ, mukulaa ka: ɉihɛn ɉuwui tii ɓaa: Yálá laawoo.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Zôo 42:5

Ŋą́ kɛi lɔ ə́ laa mɛ̨n diɛ mo, yiihu nwɛi, ɲɛ̨́i aa tɔɔ yɛ́.

Hebreu 4:2

Mąąhɔlɔɓo, guɔ kpɛlimąn gwaa nwɛlɛɛ lɛlɛɛ hɔlɔɓo lɔ yɛ nuą tii, kɛlaa nwoo tii di mɛ̨n, dɔlɔ hvo kɛ mą di yəi, gbala ə tɔɔ, diɛi mɛ̨n, di hvo nɛɛlaa, laa na laa hvo ɉeei kulɔ di hu.

Ɉaan 1:37

Ɉaan nwɔ kalan nɛa hveelɛi tii di nwoo tii mɛ̨n nɔ di hvilɛn Jesus pulu.