Lomaŋ 10:12 - Yálá laawoo hɛɓɛ (dc)

¹² Yili ɓa, ɓɛlaɓo hvo Ɉuifəɠaa da huwu takpɛliɠaa di lɔwai. Di kəlee di Nąmu kaa tanɔ̨n, nui a nwoo tɛ bɔ pələ, a mɛ̨inɛ̨ɛ̨ kɛ mąą nu ɓa.

Yálá laawoo hɛɓɛ

¹² Yili ɓa, ɓɛlaɓo hvo Ɉuifəɠaa da huwu takpɛliɠaa di lɔwai. Di kəlee di Nąmu kaa tanɔ̨n, nui a nwoo tɛ bɔ pələ, a mɛ̨inɛ̨ɛ̨ kɛ mąą nu ɓa.

Bible

¹² Kpɛ́ni fêi, Zûu-ŋai da Gurii-ŋai díŋa fe kɔlɛ ni. Nuu-namu tɔnɔi káa a núu kélee Namu, ǹyaŋ e ŋɔtɔɔ-laai tɛɛ diai kélee pɔ da ǹáa tolii.

Lomaŋ 10:12 Referans Kwoze

Filipə 4:19

Ɛlɛɛ, nwɔ́ Yálái kaa pai ka mąą kpaan gəlee kpɛɛi yɛ pələi nwɔ hɛn Ną́mu laa kaa la Jesus Kristə hu.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Mąątɛ̨nɛ̨ 145:18

Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Lomaŋ 14:9

Mąąhɔlɔɓo, Kristə kɛ mɛ̨nį a haa nuą, da yɛnɛ̨ɛ̨ nuą di Nąmu ɓə gɛ, yɛ haa la, yɛ pənə yɛ nwun.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Korɛntə dɔlɔɔ 15:47

Nu kan dɔlɔɔi kulɔ pɔlɔ hu, gaa a pɔlɔ; veelɛnąąn ə həɠə yələi.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Ifisiɛŋ 2:4

Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Lomaŋ 15:12

Esai yaa kpɛli yɛ mą: «Ɉɛse lon gaa pai, gaa pai tɔɔlaa kɛi hįi kəlee nwun na; ɛlɛɛ, hįi kəlee yɛ gilitɔimą.»

Gɛlaɠaa 9:14

Ɛlɛɛ, pai ŋɛ̨i ə mo ɓɛ, ɉaláá laa həli nuą kpɛa-kpɛaa ɓə dɔɔ, daa mąąlaa tɛɛ bɔ, ə gɛ, ə ə́ hvɛli nuą, hon, ə di tɛ yɛlii.»

Ifisiɛŋ 3:16

Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Gɛlaɠaa 7:59

Di kɛɛ Etiɛnə hɔɔi a gwɛni, ə kɛi kpɔlɔ Yálá hvɛli yɛ kɛ mą: «Ną́mu Jesus, ə́ yee hee nį́į́ mu.»