Lomaŋ 1:30 - Yálá laawoo hɛɓɛ (dc)

³⁰ Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Yálá laawoo hɛɓɛ

³⁰ Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Bible

³⁰ Dí kɛ̀ a laa-kâra-ƃela, Ɣâla kpɔara-ƃela, lii-kɛ̂tɛ-ƃela, su-mɛni kɛ̂tɛ-ƃela, yoŋka-ƃela, díkɛ sɔnyɔ̂ŋ nina kpɛ́-tɛ díkili ŋá, dífa díkaa-ƃela wóo mɛni,

Lomaŋ 1:30 Referans Kwoze

Timote veelɛ 3:2

Nąąlɔwai, nu kanŋaa da kɛ a kunwuɔ̨ nuą, a wali mɛlaa, di huɲąŋą kɛnɛ̨ɛ̨, di ɲɛ̨itɛɛ, diɛ Yálá lalan, di kwɛli tiɛ di kaa-nuą diɛ, di hvo mɛ̨inɛ̨ɛ̨ kɔlɔn, di hva Yálá mɛ̨nį mɛlɛ kɛ mą,

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Zĩi 4:16

Kɛlaa, yiihu, ká ká kpɔɔ ɲąą kɛnɛ̨ kaa ka hunɛɛ, gbɔwɔ ɲąą kɛnɛ̨ huwui ti ɲɔ̨nwɔ̨ɔ̨i.

Zĩi 3:5

Bələ kpɔlɔɔ ɓə, nu nɛn golɔɔ, yɛ gbɔwɔ ɲąą kɛnɛ̨ mɛ̨nį kpɛa-kpɛaa gɛɛ hu. Ká ká kiliŋąhiɛ tai, nwɔ̨n gbaalən nogolo ɓa, a pɛli gbalə kɛnɛ̨ gələn ɉii.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Korɛntə veelɛ 10:15

Ku wɔɔ ɲɛ̨i ponolaa hvo tɛɠɛ li ɲɛ̨n ma, gɔwɔ hvo hvilɛn ni nu takpɛli kɛ kóló mɛ̨i, kɛlaa, ku kili kaa ɉu kuɔ, ká wɔɔ laa na laa hu aa kɛli kɛnɛ̨ yɛ tɛ tɔwɔi, gaa tɛi tɔwɔ ká yəi, ku wɔɔ kpaaləi ku naa ká ɲɛ̨i, ɉáálai;

Lomaŋ 3:27

Ɛ̨i, gu nwun dɛi ɓaa mį? Gu nwun dɛi hvo mą! Lə laa hu? Ɛ̨i, gu kɛ mɛ̨nįɠaa? Yili kpɛli hvəə! Kɛlaa, laa na laa ɓə.

Lomaŋ 2:23

Yɛ́i yá ə́ kpɔwɔ ŋąąkɛnɛ̨ tɔn mɛ̨nį hu, yɛ́ Yálá ɓɛlɛ too a ə́ wɔ tɔ́n gala pələ!

Lomaŋ 2:17

Yɛ́i Ɉuifə laa kaa yɛ́, ə́ kilitɔɔ Moisə nwɔ tɔ́n ma, yɛ́ ə́ kpɔwɔ ɲąą kɛnɛ̨ Yálá laa hu,

Gɛlaɠaa 5:36

Ɉu hvo ni kwɛa li, gu hulɔnu ta kaa diɛ kɛ mą: Teudasə. Ə kɛi gbɔwɔ kɛ mɛ̨nį kɔ́lɔn mun; nu nwun nąąn ɲɔ̨nwɔ mąn ə həɠə ə hvilɛn bɔ. Di yaa kpįnį baa, bɔ nuą di taɠa-taɠa, nąą ə tɔɔ tin.

Lukə 21:16

Ka káá nuą, ka kaayɔwɔɠąa ə mą kɛ ka ɓɛlaa, di kaa pai kɛi ka tɛŋɛn gwɛlɛi. Di kaa pai nu tamąą paai ka lɔwai.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 15:4

Mąąhɔlɔɓo, Yálá ə mo yɛ: ‹Ə́ lee da ə́ nąn di mąąwiɛ›, da ‹Nui nwɔ̨nɔ̨ a woo ɲɔ̨n mo nee ɓa, a wala kɛ tii nąn ma, mąąnɛ̨ɛ̨ di yili mąą nui paa.›

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Ikilisiati 7:29

Yii woloi lɔ ŋą́ gaa, ya ɓaa: Yálá ə nu pɛli a ɉaŋąą, hvo gbɛlaan. Kɛlaa, nu kpinįi ɓə gbɔwɔ mąą mɛ̨nį nwun bili.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Hanwon 25:23

Hvaŋąi a tɛɛ yɛ tɛ, a tulɔ pu, bələ lɔ ɓə laamąąhiɛ a hvaa too la.

Hanwon 8:36

Kɛlaa, nui a ɓaɠaɓo mą́ą́, a kɛ tii gaa gbɔwɔ nwąnąi. Nuąi nwɛ́li kpɛɛ diɛ, haa ɓə nwɛli kaa diɛ.»

Mąątɛ̨nɛ̨ 106:39

Diɛ di kpɔwɔ mąąliɓi, a di túwɔ́ pələ, a di pulu tɔɔ Yálá ɓa, di kɛ mɛ̨niɠaa hu.

Mąątɛ̨nɛ̨ 99:8

Yai-Laa, ku wɔ Yálái ə́ kɛi di woo mu hon yaa kpinįi, ə́ ɓo a Yálái niikpələ di mu, Kɛlaa, ə́ kɛi nwąną kulɔ, di wɔ túwɔ́ pələ ɲɔ̨nŋaai mąą mɛ̨nį ɓa.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Mąątɛ̨nɛ̨ 94:4

Di kaa di nwun dɛi, diɛ hvaa a tɛɠɛɓoɉulaa, mɛ̨nį ɲɔ̨n gɛ nuąi tii, di kaa di pilimoi!

Mąątɛ̨nɛ̨ 81:15

ŋą́ą́ mą kɛ nɛɛ mą, ŋą́ą́ ɲowoɠaa ɲɛ̨i paa, gɛ́ ɲéé pɛlɛ nuąi daa hee di mɛ̨i, diɛ.

Mąątɛ̨nɛ̨ 52:1

Nwələ ɲɛ̨itɔwɔmun. Davidə nwɔ kilimąą wələ.

Mąątɛ̨nɛ̨ 49:6

Lə mɛ̨nį ɓa nu a pɛli ɲɔwi a mɛ̨nį ɲąąnwąnąą yələ? Lə mɛ̨nį ɓa, gbąną nuą daa hvilɛn búlu, daa mą́ą́tinɛ̨n daa doo gee hu?

Kɔlɔnikɔ Veerɛi 25:19

Tɛ̨ą lii, ə́ kaa kɛi diɛ, ɲéé aa tɛɛ Edɔmə ɓa kɔ́ hu; ə́ kaa ə́ nwun dɛi, yɛ́ ə́ kpɔɔɲąą kɛnɛ̨. Kɛlaa, lɛɛ ə́ pɔɔli! Lə mɛ̨nį ɓa yaai, ə́ kaa ə́ laa tɛi kɔ́ nwąnąą mu, a ə́ nwun nɛɛ ɉu mɛ̨nį?»

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Tɔɔɓɛlaa dɔlɔɔ 20:11

Israɛlə tɔɔmun ə nwoo ŋąą pənə yɛ mą: «'Ka li kaa Bɛn-Hadadə ɓa: Nui lii kɔ́ ɓa, hva bilin mo, hvo kɛ yɛ nui aa yee tɛɛ mąą kɛ.»

Dutɛrɔnome 27:16

«‹Nui a tɛɠɛɓo nee da nąn di hu! Yálá! Nɛ̨ŋɛ̨n ə laa!› Ɛlɛɛ nɔi lonnii kəlee di mu hon, diɛ mą: ‹Mįįną!›

Dutɛrɔnome 7:10

Kɛlaa, nui Yai-Laa wɛli hvo mą, a mąą nu hutɔɔ, nui a yowolaa kulɔ a Yálá, Yálá a mąą nu nwun na pili a ɉu kpuwaa.

Lonon mo 10:35

Ɓɛlɔwai mąąnɛ̨ɛ̨ kɛ di li la a mįnɛ̨ kəhi, Moisə a kɛ mą: «Yai-Laa ə́ muhəɠə Ə́i yowoɠaa hu taɠa, nuąi diɛ di tɔɔ Ə́ la, di pu di həɠə Ə́ ɲɛ̨itɔwɔ!»

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Mąątɛ̨nɛ̨ 5:5

Hvó a Yálái mɛ̨nį ɲɔ̨n nwɛli kaa mąą, nwąnąlɔmun hva ɉeei ɉɔlɔɓo ə́ pɔɔli.

Hanwon 24:8

Nui mɛ̨nį ɲɔ̨n gɛ kili kaa mą, da kɛ mą: Gbanalaa ɲɔ̨nwɔ̨ɔ̨ kɛmun.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Izikiɛ 14:5

Gɛ́ pɛli nɛ̨́ɛ̨́i gwɛlii Israɛlə lonnii hu; a diɛi ti daa di mąą kwɛa mą́ą́, di wɔ haliɠaai mąą mɛ̨nį ɓa.