Lomaŋ 1:26 - Yálá laawoo hɛɓɛ (dc)

²⁶ Yili ɓə gɛ, Yálá ə ɓo diɛ, diɛ lɔ di kpɔɔ nwumɛ̨ mɛ̨nį hu. Di kpɔ-kpɔɔ nɛ̨ąąi ti, yii kɛ mąąnɛ̨ɛ̨ ə kɛ da di diɛni di lɔwai, da yili kɛi lɛɛ laa, diɛ gɛ di kee ni lɔwai.

Yálá laawoo hɛɓɛ

²⁶ Yili ɓə gɛ, Yálá ə ɓo diɛ, diɛ lɔ di kpɔɔ nwumɛ̨ mɛ̨nį hu. Di kpɔ-kpɔɔ nɛ̨ąąi ti, yii kɛ mąąnɛ̨ɛ̨ ə kɛ da di diɛni di lɔwai, da yili kɛi lɛɛ laa, diɛ gɛ di kee ni lɔwai.

Bible

²⁶ Sapoi ŋí ƃé Ɣâla è dílɛ̀ɛ la naa a gɛ́ɛ dí díƃâa-kula maa tua-ŋai wɛ́li a ŋ̀ánaa. Dínɛyâai dí dísinaai lɛ̀ɛ dí díkîe-ni kɛ́ a dísinâa.

Lomaŋ 1:26 Referans Kwoze

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Lomaŋ 1:24

Yili ɓə gɛ, Yálá ə di kwɛlɛ di wɔ ɓowo mɛ̨nįɠaa yee kɔn ma, diɛ nwumɛ̨ túwɔ ɓo di kee lɔwai.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Ifisiɛŋ 4:19

Kiliŋąhiɛi tii hvo diɛ, daa di kpɔwɔ kpɛlɛ wɛli mɛ̨nį ɓa, di yee ə ɓo la tii mąąliɓi mɛ̨nį lɔpee gəlee hu, a kɛɛ kala pələ.

Zɛnɛse 19:5

Diɛ Lɔtə təli, diɛ kɛ mą: «Lɔtə, nwɛ̨ąąi ŋɛ̨i pa ɓɛ ə́ pɔ ɲələwulii hu, di kaa mį? Di kulɔ ɓɛ pələ ɲɛnɛ̨ɛ̨, ku kaa bɔ ku ku liiɓa mɛ̨nį kɛ a diɛ.»

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»

Ifisiɛŋ 5:12

Mɛ̨nįi nuą tii da gɛ loo pələi, bələ ɓoɔ kpɛli kpɛli kaa a nwumɛ̨ mɛ̨nį.

Tɛsalonikə dɔlɔɔ 4:5

hvo gbɔwɔ lɛɛ laa kiliŋąhiɛ ɲɔ̨nwɔ̨ɔ̨ yee hvo tɛɛ mą, yɛ bələi hali yíi hu nuą da gɛ la, diɛi di hvo Yálá kɔ́lɔn,

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.