Bib sou entènèt

Lomaŋ 1:14 - Yálá laawoo hɛɓɛ (dc)

¹⁴ Gwələi kaa mą́ą́, ya ɓaa ŋį́ Yálá lawoo laa həli nu kəlee ɓa; nu ə kɛ a yíi lɔwɛi mun, ə mą kɛ a taalee hu ɓomun. Nu ə kɛ a mɛ̨nį kɔ́lɔn mun, ə mą kɛ a nui hvo mɛ̨nį kɔ́lɔn.

Gade chapit la Kopi

Yálá laawoo hɛɓɛ

¹⁴ Gwələi kaa mą́ą́, ya ɓaa ŋį́ Yálá lawoo laa həli nu kəlee ɓa; nu ə kɛ a yíi lɔwɛi mun, ə mą kɛ a taalee hu ɓomun. Nu ə kɛ a mɛ̨nį kɔ́lɔn mun, ə mą kɛ a nui hvo mɛ̨nį kɔ́lɔn.

Gade chapit la Kopi

Bible

^14-15 a nɛ̃ɛ ma kpîŋ é kɛ́ a Gurii-nuu kpaa ǹúui vé a Gurii-nuui, Kwíi-nuu kpaa ǹúui vé a Kwíi-nuui.

Gade chapit la Kopi

tounen moute ⬆

Lomaŋ 1:14
31 Referans Kwoze

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Korɛntə veelɛ 11:19

Káámun a kilimąą nuą, ká naa ká kwəi, káá ká yee hee hupumąą nuą mu;

Lomaŋ 16:19

Nu kəlee kili kaa ɉu diɛ ka woo mɛ̨n naa kɛ. Ká mąą mɛ̨nį a gwə́inɛ̨ɛ̨, yii gáá bɔ ya ɓaa ka kɛ a kilimąą nuą, ka mɛ̨nį lɛlɛɛ kɛ ka mɛ̨nį ɲɔ̨n mąą laa.

Lomaŋ 13:8

Nu ta nwɔ kwələ hvo kɛ kaa, hvo kɛli lɔ nwɛlikɛmąą kwələi ka lɔwai. Mąąhɔlɔɓo, yá ə́ ɓɛlan gaalon nwɛlilakɛ, akɛ, yáá dɔ́n woo pɔ mɛ̨nį kpɛ kpɔ tɛ̨ɛ̨tɛ̨ɛ̨?.

Lomaŋ 8:12

Yili ɓa, nąn nonnii, kwələ kaa guɔ, kɛlaa, kɔ́lɔ liiɓa kɛɛ nwɔ kwələ hvəə; gu hvo pa kɛ lɔ túwɔ́i a kɔlɔ liiɓa.

Lomaŋ 1:22

Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Korɛntə veelɛ 10:12

Ku hva ku liikpələ, kuɔ ku kpɔwɔ kɛ yɛ nu taɠaa, awala kɛ tii, kuɔ ku kpɔwɔ kɔɔn diɛ. Diɛi da mɛ̨nį kəlee gɔɔnmąą həɠə di kpɔwɔ mɛ̨i, di kili aa kpɛɛ di yəi.

Korɛntə dɔlɔɔ 14:16

Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.

Korɛntə dɔlɔɔ 14:11

Hį́iwooi və́ gɔlɔn, nu ta a kɛi mɛ̨nį ɓo mą́ą́, a kɛ ɲɛ̨́i ɓa a nwɛ̨ą, gɛ́ ɓo ɲɛ̨i ɓa a nwɛ̨ą.

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 2:13

Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá nwɔ Kilii nwɔ mɛ̨nį lɛ pələ, kuɔ mo a Yálá nwɔ kili.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Gɛlaɠaa 28:4

Yii kɛa nɔi ti hu nuą di gaaləi ti kaa hɛlɛn ni Polə yee ɓa, di mo di kee lɔwai diɛ kɛ mą: «Nui ŋɛ̨i, nu paamun ga. Mąąhɔlɔɓo, pələi mąn aa kulɔ la gboloyá yəi, Yálá nwɔ kitii hvo bɔ hvo kɛ yɛnɛ̨ɛ̨.»

Gɛlaɠaa 28:2

Maltə nuą di ku hon gbɔ a nulaa yii naa hvo kɛ too li. Hvo gaai di nwɔ̨n gɛnɛ̨ hee, a ku kəlee ku mąą mɛ̨nį, mąąhɔlɔɓo, túlɔ aa kɛ pu, ɛlɛɛ, gwɛlɛ yɛ pa.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Hanwon 8:5

Kaai ka hva mɛ̨nį ŋąą kaa, ka pa ŋį́ ka mąąkwɛli. Kaai ɓaa hupu nuą, ka pa ŋį́ ka nwun gɛ ka hu.

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Swiv nou:

Lyen patwone

Piblisite

Piblisite