Levetekɔ 9:24 - Yálá laawoo hɛɓɛ (dc)

²⁴ Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Yálá laawoo hɛɓɛ

²⁴ Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Bible

²⁴ Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Levetekɔ 9:24 Referans Kwoze

Nwun mąąɓo 6:21

Ya ɓə, Yai-Laa nwɔ malakai ə ɲee haŋą, dunwɔ̨n tii kɛ ɲəi, ə ɉee ɉuwɔ da nɛɠɛ diɛ. Nwɔ̨n ə kulɔ gwɛni hu, ə ɉuwɔ da nɛɠɛ di kələn. Yili pulu, malaka ə kwɛlɛɛn, Zedeɔn hvo kɛa gaa.

Kɔlɔnikɔ Maa-ŋuŋ 21:26

Davidə ə haláá kulɔi bɛli laa a Yai-Laa nwɔɔ, ə Yálá kɔ́ laa a haláá hɛn da gəlee kələn, da pɔnaa kulɔ haláá. Ə Yai-Laa təli laa a naa, yili ə nwoo mu hon a nwɔ̨n ə doo ɉaláá hɛnŋaa hu.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Nwun mąąɓo 13:23

Manoa nɛ̨ą yɛ mą: «Akɛ Yai-Laa ə kɛ bɔ ə gu paa, ɉaláá hɛn ŋɛ̨i gu naa həli mą, hvo li ɲee hee mu. Yili pulu, hvo li hvaa mą, hvo mɛ̨nįɠaai ŋɛ̨i lɛ guɔ, hvo mɛ̨nį ɓo nwɔ̨nɔ̨ guɔ.»

Levetekɔ 6:13

«Ɲələi da Aarɔn da nonnii di hee la a nwulɔ mąąhəɠɛɛi, ɉaláá hɛn mąąnɛ̨ɛ̨ di paala, ya ka: Lɛɠɛ hunwɔ̨ gəgən ɲąą haaɓa, yii a kɛ a yələ kəlee haláá hɛn, bələ tɔ̨nɔ̨ yələ wala, bələ tɔ̨nɔ̨ yələ wulii.

Lɛɛ gbɔwɔ ɓa 3:2

Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Zɛnɛse 15:17

Ɓɛlɔwai kpinį ə pɛlɛ la, ɲąąɓa, nwɔ̨n deŋą ta ə tɛɛ, ɉuwɔɠaai tii ləi Abramə ə ɉu tee-tee, di mɛ̨i, nwɔ̨n nən yɛ ɓo mą.

M̀ɛni-lɛɛi 7:11

Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

M̀ɛni-lɛɛi 4:9

Ɓɛlɔwai lɔpee ɉuwɔɠaa tii di kɛli mąąwiɛlaa, ɓɛlɛlaa da mąmąɓo tɛɛ la nui kɛ heeni dɔɔkpəlin ɉu bɔ, yai a vúlu ɲɛ̨n deei hvo mą,

Kɔlɔnikɔ Veerɛi 6:2

Ɲą́ą́n, ŋą́ą́ pɛlɛ́ tɔɔ yɛ́, a tɔɔ pɛlɛ kpɔ-kpɔ, a pɛlɛ́i yá pɛli kɛi mu a yələ kəlee.»

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lonon mo 14:5

Israɛlə lonnii kəlee ɲąąkpɔn ŋąą kɛ, Moisə da Aarɔn di pɛlɛ di kɔ́wɔ mu.

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Levetekɔ 10:2

Nwɔ̨n ə kulɔ Yai-Laa lííla, ə di kələn, di haa Yai-Laa lííla.

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.