Levetekɔ 8:35 - Yálá laawoo hɛɓɛ (dc)

³⁵ Ka káá pai lɛɛi gee kaa kələ laaləi hvóló mɛ̨ihveelɛ yee mu, hvóló da kpinį, yili pulu, ka pɛli kɛa Yai-Laa nwɔ kólói kɛi. Mɛ̨nįɠaa da kɛ tii, ka hvo kɛa pai haai, bələ ɓə di dí la.»

Yálá laawoo hɛɓɛ

³⁵ Ka káá pai lɛɛi gee kaa kələ laaləi hvóló mɛ̨ihveelɛ yee mu, hvóló da kpinį, yili pulu, ka pɛli kɛa Yai-Laa nwɔ kólói kɛi. Mɛ̨nįɠaa da kɛ tii, ka hvo kɛa pai haai, bələ ɓə di dí la.»

Bible

³⁵ Ka lɛɛ Yâwɛɛ ŋɔpɛ́rɛi lá a fólo lɔ́ɔlu mɛi feerɛ da kpíni lɔ́ɔlu mɛi feerɛ, ka kɛ́ mɛnii kɛ̀ nyìi Yâwɛɛ è mòi. A wàla kɛ́ tí, ka pâi sâai. Bere ƃe Yâwɛɛ è mò la ḿâ.”

Levetekɔ 8:35 Referans Kwoze

Tɔɔɓɛlaa dɔlɔɔ 2:3

Yai-Laa ə́ wɔ Yálái nwɔ liɛwooɠaa hon, ə́ hiɛ a ɲeekpiɛ tənən. Nwɔ tɔ́n da bɔ liɛwooɠaa kəlee hon, ə́ bɛlɛ bɔ túwɔ́ pələ ɓa, ə́ kɛ a nwąną mɛ̨nį kɔ́lɔn ŋąą yɛ bələi bɛ̨ɛ̨ la Moisə nwɔ tɔ́n ɉɛɓɛ́i hu. Yá yili kɛ tii, mɛ̨nįi lɔpee yá ə́ yee too ɉu, ɉu a nɛ̨ɛ̨ yɛ́.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Lonon mo 9:19

Dulɔ kpinįn a kɛi lamun gələ mɛ̨i, Israɛlə lonnii di kɛi Yai-Laa nwɔ tíɓoɠaai ɲɛ̨i kulɔ, di hva kɛ həɠə laa.

Lonon mo 3:7

Di kaa pai kɛi kóló kɛi, da diɛni diɛ nɔi lonnii kəlee mąą kóló kɛ gee kaa kələ mu. Diɛ pɛli gee kaa kələ mąą mɛ̨nį kəlee ɲɛ̨i kulɔi.

Hebreu 7:28

Dɔ́n nwɛi, ə kɛli, nu kanŋaai di mąą mɛ̨nį laa hvo kulɔ li, di hee a haláá laa həli mun gɛnɛ̨; Yálá kwɛla wooi lɛɛ dɔn nwoo pulu, ə Non ɉulɔnu kɛ a ɉaláá laa həli mun gɛnɛ̨ɛ̨ a yələ kəlee mɛ̨nį, ya ɓə mɛ̨nį kəlee pɔ mɛ̨nį kɛ, ə naa kulɔ kpɔ hva-hva.

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Timote dɔlɔɔ 6:13

Gáá ə́ tíi, Yálái a yɛnɛ̨ɛ̨ tɛɛ hɛn gəlee pɔ, ɲɛ̨i ɓa, da Jesus Kristə ɲɛ̨i ɓa, yai mąą kɛla hvaa ɓo Pɔnsə Pilatə lii la, laa na laa hu, gɛ́:

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Izikiɛ 48:11

Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Izikiɛ 43:25

Hvóló mɛ̨ihveelɛ yee mu, ə́ kaa pai kɛi ɓolu hilɛ kulɔi a nɛ̨ŋɛ̨n mąąhvaalɛɛ haláá, hvóló kəlee di kaa pai niŋɛ̨ gbɔn da mɛlaa hilɛ haláái tii kulɔi kpɔi hva kɛ diɛ, yii da ɉəɠə daatɛlɛɛ pɛlɛɛɠaa lɔwai.

Lonon mo 19:12

Mąąnɛ̨ɛ̨ ə nwaa a ɲái tii da bɛli a nįŋɛ̨ háá kələn nuwu, a voló haaɓa yələ da voló mɛ̨ihveelɛ yələ, a kɛ tii tɔ́n va kɛa kɛ mą. Kɛlaa, a wala gɛ hvo nwaa a voló haaɓa yələ da voló mɛ̨ihveelɛ yələ, tɔ́n va kulɔ mą.

Levetekɔ 14:8

Nui tii di mąą waa, a mąą həɠəɠaa waa ə gɔlɔ ɓa ləɠa kəlee kalaan, ə nwaa yái, ə gɛ mąą ə həɠə. Yili pulu, ə tɛ taai, kɛlaa a hvóló mɛ̨ihveelɛ kɛ hva lɔ ɲəi bɛlɛ́n.

Levetekɔ 10:1

Aarɔn lonnii, Nadavə da Avihu di di wɔ lansan kələn hɛnŋąąi həɠə, di nwɔ̨n naa ɉu, di lansan pu ŋą, nwɔ̨n lúwɔ́ hvo mą, diɛ naa həli Yai-Laa ɓa; Yaan hvo kɛ di tí li a yili.

Levetekɔ 8:30

Moisə ə nwulɔ mąąhəɠɛɛ ta həɠə, da ɲąmąi tii ɉaláá kulɔi, ə da taɠa Aarɔn ɓa da mąą həɠə, ə gɛ lɔ tii a nonnii diɛ kpɛli; bələ ɓə di Aarɔn da nonnii, da di mąą həɠəɠaa laakwɛlanmo la Yálá nwɔ kólói ɓa.

Lɛɛ gbɔwɔ ɓa 29:35

Bələ ɓə ə́ kaa pai gɛi la Aarɔn da nonnii di mąą mɛ̨nį hu, yɛ bələi kpɔlɔ tii ŋą́ ə́ tí la, ə́ kaa pai di heei di wɔ kólói hu hvóló mɛ̨ihveelɛ yee mu.

Levetekɔ 8:34

Bələ ɓə Yai-Laa ə mo la, yɛ di gɛ tii ka mɛ̨i.

Levetekɔ 8:36

Aarɔn da nonnii di Dɔ́n nwooɠaai tii kəlee hon, yii Yai-Laa ə mo Moisə ɓa, yɛ naa di nwuɔ̨.