Levetekɔ 7:31 - Yálá laawoo hɛɓɛ (dc)

³¹ Ɉaláá laa həli mun a ɉuwɔ wulɔɠaai tii kələn ɉaláá kulɔi, gəŋə nwɛi, Aarɔn da nonnii di wɔɔ li.

Yálá laawoo hɛɓɛ

³¹ Ɉaláá laa həli mun a ɉuwɔ wulɔɠaai tii kələn ɉaláá kulɔi, gəŋə nwɛi, Aarɔn da nonnii di wɔɔ li.

Bible

³¹ Ǹyaŋ zâla láa soŋ nuui a pâi zua wulɔi kérenii ŋ̀âla-teƃelei ŋá. Zua keɣe-la káa a Eelɔŋ pɔ́ɔ da ǹônii.

Levetekɔ 7:31 Referans Kwoze

Levetekɔ 7:34

Mąąhɔlɔɓo, gəŋəi tii di naa həlii, da ɉuwɔ wəlai tii di ɉəɠə ɉu, ŋą́ di hon Israɛlə lonnii yəi, da kɛi liilaa haláá kulɔ, gɛ́ di tɛɛ Aarɔn da nonnii di pɔ. Yili ɓə mąąnɛ̨ɛ̨ Israɛlə lonnii diɛ dɛɛ di pɔ a yələ kəlee.

Levetekɔ 3:16

yili pulu, ɉaláá laa həli mun ə ɉuwɔ kpuwɔɠaa tii kələn ɉaláá kulɔ kəhi mɛ̨i. Haláá kɔ̨nɔ̨n ni, yai da gələn, mąą kun nɛ̨ɛ̨, yɛ Yai-Laa liilaa. «Haláá huwɔ, nwulɔ kəlee kaa a Yai-Laa nwɔɔ.

Levetekɔ 3:11

Yili pulu, ɉaláá laa həli mun ə di kələn ɉaláá kulɔ kəhi mɛ̨i. Ɉaláái da gələn a Yai-Laa nwɔɔ, yaa lii.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Lonon mo 18:18

Ɉuwɔ a lɛɛ a ə́ wɔɔ, yɛ bələi gəŋəi da naa həli mą́ą́ da mamįiyee wəla di kaa la a ə́ wɔɔ.

Levetekɔ 8:29

Moisə ə ɉuwɔ kəŋə həɠə, ə naa həli Yai-Laa ɓa a naa həli pələ. Ɉaláá kulɔ nuą hee haláá ɓɛlaa hilɛi tii hu, Moisə nwɛi nąą li, yɛ bələi Yai-Laa ə Moisə tí la.

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Levetekɔ 5:13

Ɉaláá laa həli mun a nɛ̨ŋɛ̨n mąąhvaalɛɛ kóló kɛ, nɛ̨ŋɛ̨n nu a ɉəɠə mɛ̨nįɠaai tii ta hu, mąą nu mąąhvaa a lɛɛ. Ɉaláá laa həli mun a mɛ̨nįɠaai tii kɛ yɛ bələi da ɉihɛn ɉaláá kulɔ la Yálá ɓa.»

Korɛntə dɔlɔɔ 9:13

Ka hvo gɔlɔn kaa nuąi da tiɓo kɛ Yálá hee pɛlɛ́ mu, naa lɔ ɓə da di kɔ̨nɔ̨n ɉɔlɔɓo laa? Nuąi da kɛ haláá kulɔi Yálá nwɔ haláá kulɔ kəhi mɛ̨i, nąą ɓə da di kɔ̨nɔ̨n ɉɔlɔɓo laa?

Lɛɛ gbɔwɔ ɓa 29:26

Ɉaláá kulɔ nuą hee ɓɛlaa hilɛi ti, yai ti a Aarɔn nwɔɔ, ə́ gəŋə həɠə, ə́ naa həli Yai-Laa ɓa, a haláá hɛn naa həli pələ. Yili a kɛ a ə́ wɛi.

Lonon mo 18:11

Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nį hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Dutɛrɔnome 18:3

Hɛn pai kɛi a di wɔɔ, ya ɓaa pai kɛi a: Nįŋɛ̨ɠaa da mɛlaaɠaai Israɛlə lonnii da paa la a kɔ́ɓo hɛn, da da paai, ɲee, naakpaɠa, da gwəi hɛnŋąą; yili ɓə a di wɛi.