Levetekɔ 7:30 - Yálá laawoo hɛɓɛ (dc)

³⁰ Yaa kpinįi ə pa a ɉaláá kɔ̨nɔ̨n, a Yai-Laa nwɔɔ. Ya ɓaa ɉuwɔ wulɔɠaai a pa a diɛ, ə bɛlɛ gəŋə ɓa; yɛ naa həli, yɛ bələi da naa həli la Yai-Laa ɓa.

Yálá laawoo hɛɓɛ

³⁰ Yaa kpinįi ə pa a ɉaláá kɔ̨nɔ̨n, a Yai-Laa nwɔɔ. Ya ɓaa ɉuwɔ wulɔɠaai a pa a diɛ, ə bɛlɛ gəŋə ɓa; yɛ naa həli, yɛ bələi da naa həli la Yai-Laa ɓa.

Bible

³⁰ É pá a kéreŋ sâla-sɛŋ Yâwɛɛ pɔ́ a gbɔɔ̂i yee. Maa sala sɛŋ é kɛ́ a daa-tûlɛi ŋ̀úlɔ da geŋe-la nyii gáa a ŋɔsama-sɛŋ gbîŋ-kpiŋ.

Levetekɔ 7:30 Referans Kwoze

Lonon mo 6:20

Ɉaláá laa həli mun a di laa həli Yai-Laa ɓa, a di laa həli pələ. Ɉaláá laa həli mun nwɔɔ li, bɛlɛɛ gəŋə ɓa, da ɉuwɔ nwɛlɛ yii gaa a nwɔɔ a bɔlɔ. Ə həɠə nąą lɔwai ɓa, ɉulɔnui tii a pɛli kɛa ə lɔɔ kpələ.

Levetekɔ 3:14

Yii mąąnɛ̨ɛ̨ di naa həli Yai-Laa ɓa, ya ɓaa: nwulɔi a kɛ gboyɛli ɓa, da nwulɔi a kɛ gboyɛli mɛ̨i,

Levetekɔ 3:9

Yii mąąnɛ̨ɛ̨ di naa həli Yai-Laa ɓa niilaa haláá tii hu, ya ɓaa: daatɛlɛɛ nwulɔɠaa, nwon gəlee, di dee kpɔ dɔɔi, nwulɔi tii a kɛ gboyɛli ɓa, da yii a kɛ pɛlɛ ni gboyɛli mɛ̨i,

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Ɉaan 10:18

Nu ta hva pɛli hvo nwɔ́ yɛnɛ̨ɛ̨ kulɔ ɲéi, ɲą́ą́ ɓə gbɔ́ɔ́ kwɛlɛ. Ŋą́ pɛli ŋį́ gwɛlɛ, ŋą pɛli nwɔ̨nɔ̨ ŋį́ ɉəɠə. Ŋą́ ɉuwalawala yili hɔlɔɓo ną́n ɲei.»

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Levetekɔ 9:21

Aarɔn ə gəŋə hveelɛi da mamįiyee wəla həɠə ə nɛ Yai-Laa ɓa a naa həli pələ yɛ bələi Moisə ə mo la.

Levetekɔ 8:27

Ə gəlee laa Aarɔn da nonnii di yee ŋą, ə mo di naa həli Yai-Laa ɓa a naa həli pələ.

Levetekɔ 8:29

Moisə ə ɉuwɔ kəŋə həɠə, ə naa həli Yai-Laa ɓa a naa həli pələ. Ɉaláá kulɔ nuą hee haláá ɓɛlaa hilɛi tii hu, Moisə nwɛi nąą li, yɛ bələi Yai-Laa ə Moisə tí la.

Levetekɔ 10:14

Ɉuwɔ kəŋən tii di naa həli da ɉuwɔɠaai tii di gulɔ ɉu, ka gəlee mįi kɛɛnąą mąąhəɠɛɛ ɓa ka ə́ lonnii hinąą da nɛ̨ąą. Mąąhɔlɔɓo, Israɛlə lonnii di wɔ liilaa halááɠaai hu, ka wɛi mąąnɛ̨ɛ̨ ə kulɔ ɉu ə tɛɛ ka ə́ lonnii ka pɔ, yaa li.

Lonon mo 8:11

Yili pulu, Aarɔn ə Levi lonnii laakwɛlanmo Yai-Laa ɓa a haláá hɛn, Israɛlə lonnii di di laa həli Yai-Laa ɓa, Levi lonnii yee ə lɛɛ Yai-Laa nwɔ kóló ɓa.

Levetekɔ 9:20

di di pɛlɛ gəŋə bələ tɔ̨nɔ̨ ɓa, di di kələn ɉaláá kulɔi.

Levetekɔ 10:15

Ɉuwɔ wəlai tii di gulɔ ɉu da gəŋən tii, nuąi tii ɉaláá hu hvɛli da pa a diɛ, da ɉuwɔ wulɔɠaai mąąnɛ̨ɛ̨ ə kələn, diɛ di laa həli a naa həli pələ Yai-Laa ɓa. Yili pulu, a lɛɛ a yɛ́ ka ə́ lonnii ka wɔɔ, a yii mąąnɛ̨ɛ̨ ə tɛɛ ka pɔ. Yələ kəlee mɛ̨nį li, Yai-Laa ɓə mo tii.»

Dutɛrɔnome 18:3

Hɛn pai kɛi a di wɔɔ, ya ɓaa pai kɛi a: Nįŋɛ̨ɠaa da mɛlaaɠaai Israɛlə lonnii da paa la a kɔ́ɓo hɛn, da da paai, ɲee, naakpaɠa, da gwəi hɛnŋąą; yili ɓə a di wɛi.