Levetekɔ 7:26 - Yálá laawoo hɛɓɛ (dc)

²⁶ Ɓɛi lɔpee ka kɛ laa, ka hvo ɲąmą mįi, ə kɛ a nwɛ̨ni ɲąmą, ə mą kɛ a huwɔ huwui lɔpee takpɛli ɲąmą.

Yálá laawoo hɛɓɛ

²⁶ Ɓɛi lɔpee ka kɛ laa, ka hvo ɲąmą mįi, ə kɛ a nwɛ̨ni ɲąmą, ə mą kɛ a huwɔ huwui lɔpee takpɛli ɲąmą.

Bible

²⁶ Káfe máŋ ŋɔni sîi kélee da ŋãa mii kpaa máŋ fɛnɛ-sɛŋ ŋãa ƃɛ̂i kélee ka kɛ̀ naai.

Levetekɔ 7:26 Referans Kwoze

Zɛnɛse 9:4

Kɛlaa, ka hvə huwɔ ta nɔ̨ɔ̨ lɛɛ ɉu, ka hvo mį́i, yili mukulaa ɓaa: Ka hvo huwɔ ɲąmą mį́i.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Timote dɔlɔɔ 4:4

Mąąhɔlɔɓo, hɛn kpɔ Yálá ə bɛli, gəlee lɛlɛɛi, da laa hvo kulɔ li ɉu, yá kɛli mįi, yɛ́ Yálá mąmąɓo.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Ɉaan 6:53

Jesus ə mo diɛ yɛ diɛ: «A tɛ̨ą kpɔ-kpɔ gáá moi kaa, akɛ ka wala Nu Lon ɉuwɔ mįi, ɛlɛɛ, ka hvo ɲąmą kpələ, ka hva pɛli ɓaloi.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Levetekɔ 7:25

Nui lɔpee a taatɛlɛɛ ta laa həli Yai-Laa ɓa a haláá, ɛlɛɛ yɛ nwulɔ ta mį́i, mąąnɛ̨ɛ̨ di mąą nu kulɔ nɔi lonnii lɔwai, mąąhɔlɔɓo, aa ɉuwɔi tii ta mį́i.

Levetekɔ 7:27

Nui lɔpee a ɲąmą huwui lɔpee ta mį́i, mąąnɛ̨ɛ̨ di gulɔ nɔi lonnii lɔwai.»

Levetekɔ 19:26

«'Ka hvo huwɔ mįi ɓɛi ka ɲąmą pulaa, ka hvo tɔlukpɛ, ka hvo ɲɛ̨ąkpɛ.

Dutɛrɔnome 12:16

Kɛlaa ka hvo ɲąmą mį́i, ka bu lɔi ɓa yɛ ya.

Dutɛrɔnome 12:23

Kɛlaa, hɛɠɛ-hɛɠɛ nee hɛɠɛ-hɛɠɛ nąn, ka hvo huwɔ ɲąmą mį́i, mąąhɔlɔɓo, kɛ yɛnɛ̨ɛ̨ kaa ɲąmą hu. Mąą hvo nɛ̨ɛ̨li ka hvo hɛn da nwɔ yɛnɛ̨ɛ̨ lɛɛ ɉu ka hvo mį́i.

Dutɛrɔnome 15:23

Kɛlaa, ka hvo ɲąmą mįi, ka huwɔ paa, ka ɲąmą pu nɔi ɓa yɛ yá.

Lɛɛ gbɔwɔ ɓa 22:30

«‹Mąąnɛ̨ɛ̨, ka mąą ə həɠə mą́ą́ mɛ̨nį ɓa. Lɔwɔ huwɔ ta a wolo taatɛlɛɛ ta ɓa kpomói, ka hvo mįi, ka bili yilɛɠaa diɛ.