Levetekɔ 6:22 - Yálá laawoo hɛɓɛ (dc)

²² Nui lɔpee gaa a ɉaláá laa həli mun da, a pɛli da mįi, hɛn mąąhəɠɛɛ li.

Yálá laawoo hɛɓɛ

²² Nui lɔpee gaa a ɉaláá laa həli mun da, a pɛli da mįi, hɛn mąąhəɠɛɛ li.

Bible

²² Zâla láa soŋ nuui nyii gáa a Eelɔŋ ǹóŋ sinaai dɔnɔ nyii pâi Eelɔŋ pɔ́ɔ ŋá siɣêi é kɛ́ zâlai ŋí kulâi Yâwɛɛ ma wɔlɔ-wɔlɔ da wɔlɔ-wɔlɔ. É zâla-sãai ŋí kélee kpɔ́ kéreŋ vé da lɛ̀ɛ.

Levetekɔ 6:22 Referans Kwoze

Hebreu 7:23

Yili pulu, nu kanŋaa di wɛi, di kpulu tamąąi kɛ ɉaláá laa həli mɛ̨nį hu; mąąhɔlɔɓo, haa ə kɛ diɛ.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Dutɛrɔnome 10:6

Israɛlə lonnii di həɠə Bene-Yaakan yálɔwa la, diɛ li Mosera. Nąą ɓə Aarɔn ə haa laa di noo laa. Aarɔn lon Eleazarə ɓə tɔɔ nąn dɔɔi a ɉaláá laa həli mun.

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Levetekɔ 6:21

Da ɉaláá hɛn ɉuwui tii yili ləɠi kpɛli hu, mąąnɛ̨ɛ̨ di nəɠi wolo, da ɲili kwɛli ləɠi hu, mąąnɛ̨ɛ̨ di ɉu kalaan di ɉu heɠeen a ya.

Levetekɔ 6:23

Kɛlaa, nɛ̨ŋɛ̨n mąąhvaalɛɛ haláá taatɛlɛɛ lɔpee nwɛi, da li a ɲąmą gee kaa kələ mu, diɛ nɛ̨ŋɛ̨n mąąhvaalɛɛ kóló kɛ gɛɛnąą mąąhəɠɛɛ tii ɓa, mąą hvo nɛ̨ɛ̨li diɛ mį́i, mąąnɛ̨ɛ̨ di gəlee kələn.

Levetekɔ 4:24

A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Levetekɔ 6:10

Di hva lɛɠɛ tɛ hɛn bu nɛɠɛ hu diɛ mɔ̨n. Yili ɓə ŋą́ dɛɛ di pɔ, yɛ kulɔ nwɔ́ haláá hɛnŋąąi hu, yii di gələn gaa a hɛn yii mąąhəɠɛɛ, yɛ bələi di nɛ̨ŋɛ̨n mąąhvaalɛɛ haláá kɛ la.

Levetekɔ 6:11

Aarɔn lonnii hinąą lɔ ɓə da mį́i, yili kaa a tíɓo yii vilɛn ŋąąi yɛ́ ka ə́ lonnii kaa a yələ kəlee mɛ̨nį, ɉalááɠaai da gələn Yai-Laa lííla mąą mɛ̨nį hu. Gulaa ka pulu, nu takpɛli lɔpee a tunwɔ̨n da ɓa, mąąnɛ̨ɛ̨ ə haa.»

Osia 4:8

Daa pilɛ nwɔ́ nu huwui nwɔ nɛ̨ŋɛ̨nŋąąi hu, diɛ di ɲɛ̨i kulɔ nwɔ nɛ̨ŋɛ̨nŋąąi pɔ.