Levetekɔ 5:4 - Yálá laawoo hɛɓɛ (dc)

⁴ «Awala kɛ tii, nu ta a gwɛla dɛɠii, ɛlɛɛ yaan, mąą hvo kɛ nɛ̨ɛ̨li hvo gwɛla; a gwɛla, yɛ ə kɛ a nɛlɛɛ, yɛi ə kɛ a ɲɔ̨nwɔ̨ɔ̨, gwɛla woo tii hva ɉəɠə mą, ɓɛlɔwai a gbaɠala kaa la, a kɛ a hɔn mąą mun.

Yálá laawoo hɛɓɛ

⁴ «Awala kɛ tii, nu ta a gwɛla dɛɠii, ɛlɛɛ yaan, mąą hvo kɛ nɛ̨ɛ̨li hvo gwɛla; a gwɛla, yɛ ə kɛ a nɛlɛɛ, yɛi ə kɛ a ɲɔ̨nwɔ̨ɔ̨, gwɛla woo tii hva ɉəɠə mą, ɓɛlɔwai a gbaɠala kaa la, a kɛ a hɔn mąą mun.

Bible

⁴ A kɛ̀ núu da a góno-tèe a ŋá kpɛ̂ɛ maa-pere a nɛ̃ɛ ma é kɛ́ a ǹɛ́lɛɛ kpaa máŋ nyɔ́mɔɔ, tãi nɔ́ a gɔ̀lɔŋ lai, gɛ̀ ni a sɔnyɔ̂ŋ kɛ́.

Levetekɔ 5:4 Referans Kwoze

Gɛlaɠaa 23:12

Mąą yələ laaɓoɔ, yələ wala pɔ, Ɉuifə taɠaa di di nwun dɔɔ a loo pələi, diɛ: Di hva kɔ̨nɔ̨n mįi, di hva hɛn da kpələi, yii di hvo ni Polə paa li.

Markə 6:23

Herodə ə nɛ̨ɛ̨mą ə nwoo kwɛlɛ nɛ̨ɛ̨non ma, yɛ mą: «Yii lɔpee ya vɛli mą́ą́ ŋą dɛɛ ə pɔ. Ə mą kɛ nwɔ tɔɔlaai bələ tɔ̨nɔ̨ ɓə, ŋą dee ə́ pɔ.»

Nwun mąąɓo 11:31

nu tɔlɔɔi pai kulɔi ɲə́i bɛlɛ́n, yɛ pa náákwiɛn ɉii, ŋą́ gɛ a Ə́ kɔ hɛn, ŋą́ gulɔ a haláái da gəlee kələn.»

Samuɛlə dɔlɔɔ 25:22

Mɛ̨nįi mąąnɛ̨ɛ̨ Yálá ə naa Davidə ɲowoɠaa diɛ, ə naa Davidə ɓa, akɛ Navalə yəi bɛlɛ́n mun dɔ̨nɔ̨ kpɛli a lɛɛ a vulú yələ ə ɓɔ.»

Lonon mo 30:8

ɉilɛ a nwoo kwɛlɛ mɛ̨nįi tii kili kɔ́lɔn, hvo da ɓo li a volói lɔ tii a gili kɔ́lɔn na, mɛ̨nįɠaai nɛ̨ɛ̨nui tii ə naakwɛlanmo, da nɛ̨ɛ̨ mą. Mɛ̨nįɠaai ə gwɛla ɉu a gbɔwɔ nwuɔ̨ mɛ̨nį, a lɛɛ a gbaan ŋąą di yəi.

Maafîu 14:9

Yili mɛ̨n tɔɔmun ə mo gwəi hvo nɛ̨ɛ̨. Kɛlaa, gwɛla woo mąą mɛ̨nį ɓa, mɛlaa ɲɛ̨i ɓa, ə mo yɛ diɛ: Ka dɛɛ bɔ.

Maafîu 14:7

Herodə ə nɛ̨ɛ̨mą ə gwɛla, yɛ nɛ̨ɛ̨non ɓa: Yii lɔpee ya vɛli mą́ą́ ŋą dɛɛ ə́ pɔ, ə mą kɛ nwɔ́ tɔɔlaai bələ tɔ̨nɔ̨ ɓə.

Tɔɔɓɛlaa veelɛ 6:31

Yili pulu, tɔɔmun ə gwɛla, yɛ mą: «Háákələi, Safatə lon Elise nwunganin a lɛɛ ŋą, Yálá hvo yɛnɛ̨ɛ̨ nɛ̨ɛ̨ mą́ą́!»

Samia Veerɛi 21:7

Kɛlaa, tɔɔmun ə Ɉonatan lon ɉulɔnu Mefibosɛtə, yai kɛ a Saulə mąnįn, ə naa kulɔ ɉu; mįnɛ̨i wɔlɔ Davidə da Ɉonatan di ɉəɠə mąą mɛ̨nį ɓa.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Nwun mąąɓo 21:18

Kɛlaa, kuɔ kpinįi ku hva pɛli ku lonnii nɛ̨ą tɛɛi di pɔ.» Mąąhɔlɔɓo, Israɛlə lonnii daa kɛ di kwɛla, diɛ: «Nui a nɛ̨ɛ̨nu tɛɛ Bɛnɉamɛn mun da pɔ, di nɛ̨ŋɛ̨n naa.»

Nwun mąąɓo 21:7

Gwa tɛɛ pələ kɛ ləi, yii wolaai daa lɛɛ, gu di nɛ̨ąni hɔlɔɓo? Yaan, gwaa gu kwɛla a Yai-Laa, guɔ diɛ: ‹Nu ta hvo non nɛ̨ɛ̨nu tɛɛ Bɛnɉamɛn mun da pɔ a nɛ̨ą.›»

Nwun mąąɓo 9:19

Akɛ kilaa pɔ̨nɔ̨ mɛ̨nį ɓə ŋɛ̨i ka gɛ a Yerubaalə da ɲəi bɛlɛ́n nuą, háákələi hvólói, ka nwun na nɛ̨ɛ̨ hɔlɔɓo Abimelɛkə yee mu, yaa kpɛli ə nwun na nɛ̨ɛ̨ hɔlɔɓo ka yəi!

Zasua 9:15

Da Ɉosue ni di liilaa mįnɛ̨ həɠə, yaai a di lɛɛ yɛnɛ̨ɛ̨. Nɔi lonnii ɲɛ̨itɔwɔ nuą di di kwɛla diɛ.

Zasua 2:14

Ɉinąąi tii di mo mą, diɛ mą: «Akɛ ya wala ku pulu kulɔ, kwa lɛɛ a ku húlu, yɛ́, ka ə́ yəi bɛlɛ́n nuą ka lɛɛ a ka húlu, ɓɛlɔwai Yai-Laa kaa pai nɔi ŋɛ̨i tɛɛ la ku pɔ; kwa ə́ wɔ túwɔ́ pələ lɛlɛi ŋɛ̨i gwələ kulɔ yɛ́.»

Lonon mo 30:6

Kɛlaa, nąn a gili kɔ́lɔn, a wala hvaa mą, nɛ̨ɛ̨nui tii wooi ə gwɛlɛ, da mɛ̨nįɠaai kpɔ ə gwɛla ɉu, da lɛɛ a kpɛli. Yai-Laa a nɛ̨ɛ̨nui tii kaa yɛ mɛ̨nį ta a wala kɛ nwəli pulu. Mąąhɔlɔɓo nąn və hvaa li nwoo ɓa.

Levetekɔ 5:3

«Awala kɛ tii, akɛ nu ta a tunwɔ̨n mɛlan nu kan ma yii mąą hvo nɛ̨ɛ̨li di hvo tunwɔ̨n mą nɔwai tii hu; ə kɛ a hɛn nɔpee yii tɔ́n gaa mą yɛ nu mąąliɓi, mąą nu a tunwɔ̨n mą, ɓɛlɔwai a gbaɠala kaa la, a kɛ a hɔn mąą mun.

Levetekɔ 5:13

Ɉaláá laa həli mun a nɛ̨ŋɛ̨n mąąhvaalɛɛ kóló kɛ, nɛ̨ŋɛ̨n nu a ɉəɠə mɛ̨nįɠaai tii ta hu, mąą nu mąąhvaa a lɛɛ. Ɉaláá laa həli mun a mɛ̨nįɠaai tii kɛ yɛ bələi da ɉihɛn ɉaláá kulɔ la Yálá ɓa.»

Mąątɛ̨nɛ̨ 106:33

A lɛɛi di hvo mo nwoo mu, Moisə ə dɛɠii hvaa ɓo.