Levetekɔ 4:4 - Yálá laawoo hɛɓɛ (dc)

⁴ A pa a nįŋɛ̨ lon tii gee kaa kələ laaləi Yai-Laa lííla, ə ɲee pɛlɛ nwuɔ̨, ə nwun dee Yai-Laa lííla gee kaa kələ laaləi.

Yálá laawoo hɛɓɛ

⁴ A pa a nįŋɛ̨ lon tii gee kaa kələ laaləi Yai-Laa lííla, ə ɲee pɛlɛ nwuɔ̨, ə nwun dee Yai-Laa lííla gee kaa kələ laaləi.

Bible

⁴ É pá a niŋa-sîrɛi Yâwɛɛ ŋɔsua-kɔ̂lɔ-seɣe pɛrɛi gbôŋ lá, é ǹyée pɛ́lɛ ŋuŋ ma, é báa Yâwɛɛ ŋɛ́i-tuɛ.

Levetekɔ 4:4 Referans Kwoze

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 4:15

Galanɉonŋąą kəlee da di yee pɛlɛ nįŋɛ̨n gbon nwuɔ̨, Yai-Laa lííla, di nwun dee Yai-Laa lííla.

Levetekɔ 4:29

A ɲee pɛlɛ nɛ̨ŋɛ̨n mąąhvaalɛɛ haláá taatɛlɛɛi tii nwuɔ̨, di nwun dee ɓɛi haláái da gəlee kələn, nwɔ taatɛlɛɛɠaa nwun dee laa.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Lonon mo 8:12

Levi lonnii da di yee pɛlɛ nįŋɛ̨ hilɛɠaa nwuɔ̨, ə́ nįŋɛ̨ hilɛɠaa laa həli Yai-laa ɓa, dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá, dɔ̨nɔ̨ a kɛ a haláá hɛn da gəlee kələn. Yɛ nɛ̨ŋɛ̨n mąąhvaalɛɛ kóló kɛ la tii Levi lonnii mɛ̨i.

Kɔlɔnikɔ Veerɛi 29:23

Yili pulu, di pa a mooliɠaa, a nɛ̨ŋɛ̨nŋąą mąąhvaalɛɛ haláá hɛn, tɔɔmun da nu kpɔn nií la, di di yee haŋą di mɛ̨i.