Levetekɔ 4:31 - Yálá laawoo hɛɓɛ (dc)

³¹ Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Yálá laawoo hɛɓɛ

³¹ Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Bible

³¹ É ŋ̀úlɔ kélee kúla yɛ̂ɛ berei a gɛ̀ la a ǹíi-see sala sɛŋ. Ǹyaŋ zâla láa soŋ nuui é géreŋ ŋ̀âla-teƃelei ŋá nyii gáa a kéreŋ sâla-sɛŋ kúŋ nɛ̃ɛ Yâwɛɛ mɛni mai. Bere sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kula. A kɛ̀ tí, ŋɔsɔnyɔŋ su-mɛni a pâi lɛɛ̂i.

Levetekɔ 4:31 Referans Kwoze

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Hebreu 10:14

Gbɔwɔ gulɔ lɔ tii ə mo a haláá taanɔ̨n gbən, nuąi a nwɛiɠaa, ə pɛli di mąąhəɠəi, di mąą mɛ̨nį ɲɛ̨i kulɔ a yələ kəlee mɛ̨nį.

Hebreu 10:12

Kristə nwɛi, haláá tanɔ̨n gbən mə ə gulɔ nu kanŋaa di wɔɔ nɛ̨ŋɛ̨nŋaa mąą hvaalɛɛ mɛ̨nį ɓa, ə hee Yálá yee lɛlɛɛ mɛ̨i pələ, a yələ kəlee mɛ̨nį.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 42:21

Yai-Laa ə hvaa tii mą, mąąhɔlɔɓo, dələnmoɔi, yɛ nwɔ tɔ́n laa tɛ, yɛ ɲɛ̨i pɔ̨nɔ̨.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Ɛsdrasə 6:10

Ə gɛ, diɛ yələkɔlɔn ɉu Yálá liilaa haláá kulɔ, ɛlɛɛ, diɛ Yálá hvɛli tɔɔmun da nonnii di yii hvóló mąą mɛ̨nį ɓa.

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Levetekɔ 4:19

Ə ɉuwɔ wulɔɠaa kəlee həɠə, ə di kələn ɉaláá kulɔi.

Levetekɔ 1:17

Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 2:9

Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 5:10

A veelɛnąą kɛ a haláá hɛn da gələə kələn, yɛ bələi mąą tɔ́n gaa la. Ɉaláá laa həli mun a nui tii nwɔ nɛ̨ŋɛ̨n ə ɉəɠə, mąąhvaalɛɛ kóló kɛ, mąąhvaa a lɛɛ.

Levetekɔ 14:18

Nwulɔ kpəlii a lɛɛ ɉaláá laa həli mun ɲee ɲą, a nɔ nui di mąą həɠəi nwun ma; a gɛ tii, nɛ̨ŋɛ̨n mąą hvaalɛɛ kóló ka tii aa gɛ nui tii ɓa Yai-Laa lííla.

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 19:22

Mɛlaa hilɛi tii ɓə ɉaláá laa həli mun gaa pai nui tii pɔɔŋą pɛlii la, Yai-Laa lííla, nɛ̨ŋɛ̨n nui tii ə ɉəɠə mąąhvaalɛɛ hɛn ni.

Lonon mo 15:25

Ɉaláá laa hɛlimun a nɛ̨ŋɛ̨n mąąhvaalɛɛ woo ɓo, Israɛlə lonnii kəlee mąą mɛ̨nį ɓa, Yálá yɛ kɛa di mąą hvaalɛɛ; hvo gaai ə kɛ a nu tɛɠii nɛ̨ŋɛ̨n. Da pa a ɉaláá hɛn, a kɔ̨nɔ̨n da gələn Yai-Laa ɓa. Ɛlɛɛ, da nɛ̨ŋɛ̨n mąąhvaalɛɛ haláá laa həli Yai-Laa ɓa, di tɛɠii nɛ̨ŋɛ̨n tii mąą mɛ̨nį ɓa.