Levetekɔ 4:3 - Yálá laawoo hɛɓɛ (dc)

³ «Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Yálá laawoo hɛɓɛ

³ «Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Bible

³ “À kɛ̀ a zâla láa soŋ nûu kɛ́tɛi ƃé zɔnyɔ̂ŋ kɛ̀i, ŋɔsɔnyɔ̂ŋ a pâi kɛ̂i ǹûai kélee dîa. Gɛ̀ ní fɛ̂ɛ é sâla kula Yâwɛɛ ma a niŋa-nâɣa nyii pɔ́ɔ fé mai ŋɔsɔnyɔ̂ŋ mɛni ma.

Levetekɔ 4:3 Referans Kwoze

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Levetekɔ 9:2

Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Levetekɔ 4:14

ɓɛlɔwai di kili a pu la nɛ̨ŋɛ̨n tii hu, mąąnɛ̨ɛ̨ kpɔlɔ, di pa a nįŋɛ̨ hilɛ gbɔn, nɛ̨ŋɛ̨n tii mąąhvaalɛɛ mɛ̨nį ɓa, da li la gee kaa kələ laaləi.

Hebreu 5:3

ɛlɛɛ, yili mąą mɛ̨nį ɓa, hvo kɛli, ə gbɔwɔ mąą haláá kulɔ, yɛ bələi a nɔi lonnii mąąhaláá kulɔ la, di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Ɛsdrasə 8:35

Nąąlɔwai, nuąi həɠə nuwɔ laa hu, di nįŋɛ̨ hilɛ pow kɔ́w hveelɛ kulɔ Yálá ɓa a haláá yii da gəlee kələn, a Israɛlə lonnii kəlee mąą mɛ̨nį, ɓɛlaa lonnii pow mɛ̨inąąn kɔ́w mɛ̨ida, ɓɛlaa lonnii pow mɛ̨ihveelɛ kɔ́w mɛ̨ihveelɛ, ɓooli hilɛ pow kɔ́w hveelɛ, yai kɛ a nɛ̨ŋɛ̨n mąą hvaalɛɛ haláá, di gulɔ Yai-Laa ɓa a haláá yii da gəlee kələn.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Izikiɛ 43:19

Yai-Laa woo ka, yɛ: nįŋɛ̨ hilɛ gbɔn dɛɛ ɉaláá laa həli nuą, Levi lonnii pɔ, nɛ̨ŋɛ̨n mąąhvaalɛ haláá kulɔ mɛ̨nį ɓa; diɛi di kaa Sadɔkə huwu hu, diɛ kóló kɛ mą́ą́.

Lɛɛ gbɔwɔ ɓa 29:21

Ɲąmąi ti a lɛɛ ɉaláá taɓali mɛ̨i, ə da həɠə, da nwulɔ mąą həɠɛɛ, ə da taɠa Aarɔn da mąą həɠəɠaa diɛ, ə mą kɛ da nonnii da di mąą həɠəɠaa, a kɛ ti, di mąą a həɠə, Aarɔn da mąą həɠəɠaa, nonnii da di mąą həɠəɠaa.

Lɛɛ gbɔwɔ ɓa 29:14

Kɛlaa nįŋɛ̨ huwɔ nwɛi, gɔlɔ, da gbo, ya di kələn daa pulu a nɛ̨ŋɛ̨n mąąhvaalɛɛ haláá.

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Lonon mo 8:8

Di nįŋɛ̨ hilɛ həɠə, da ɉaláá hɛn mąąnɛ̨ɛ̨ di bɛlɛ mą, da lɛɠɛ hunwɔ̨ kiin ŋąą wulɔ hu, ə́ nįŋɛ̨ hilɛ takpɛli həɠə a nɛ̨ŋɛ̨n mąąhvaalɛɛ haláá hɛn.

Levetekɔ 16:11

«Aarɔn ə nįŋɛ̨ gbɔn ɉəɠə, ə naa həli Yai-Laa ɓa, da ɲəi bɛlɛ́n nuą di wɔ nɛ̨ŋɛ̨n mąąhvaalɛɛ mɛ̨nį ɓa, ə nįŋɛ̨ nwun dee.

Levetekɔ 16:6

«Aarɔn a nįŋɛ̨ gbɔn tii laa həli Yálá ɓa, yaa da ɲəi bɛlɛ́n nuą di wɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Levetekɔ 4:5

Ɉaláá laa həli mun tii, a yai di ɉee a nwulɔ mąąhəɠɛɛ, a nįŋɛ̨ ɲąmą həɠə, ə li la gee kaa kələ ɓa,

Levetekɔ 4:23

nɛ̨ŋɛ̨n ə ɉəɠə da nɛ mą, mąąnɛ̨ɛ̨ ə pa a ɓolu hilɛ yii kpɛɠii hva kɛ mą.

Levetekɔ 4:28

nɛ̨ŋɛ̨n tii ə ɉəɠə da nɛ mą, mąąnɛ̨ɛ̨ ə pa a ɓoli haa, kpɛɠii hva kɛ mą, a haláá hɛn, nɛ̨ŋɛ̨n tii ə ɉəɠə mąą mɛ̨nį ɓa.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Kɔlɔnikɔ Veerɛi 29:21

Di pa a nįŋɛ̨ hilɛ mɛ̨ihveelɛ, ɓɛlaa hilɛ mɛ̨ihveelɛ, ɓɛlaa lon mɛ̨ihveelɛ, ɓooli hilɛ mɛ̨ihveelɛ; di gɛ a nɛ̨ŋɛ̨n mąąhvaalɛɛ haláá dɔɔ pɛlɛ́ mąą mɛ̨nį ɓa, gɛɛnąą mąąhəɠɛɛ da Ɉuda lɔi mąą mɛ̨nį ɓa. Yili pulu, tɔɔmun yɛ ɉaláá laa həli nuąi a Aarɔn lonnii diɛ, di ɉalááɠaa tii kulɔ Yai-Laa kɔ́ haláá kulɔi.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 6:18

«Mo Aarɔn da nonnii diɛ: Nɛ̨ŋɛ̨n mąąhvaalɛɛ haláá kulɔ pələ ka: Da nɛ̨ŋɛ̨n mąąhvaalɛɛ taatɛlɛɛ paa, ɓɛi da daatɛlɛɛ kələn naa, Yai-Laa lííla. Gaa a hɛn yii mąąhəɠɛɛ.

Levetekɔ 9:3

Yili pulu, ə́ nwooɠaai ŋɛ̨i ɓo Israɛlə lonnii diɛ, yɛ́ diɛ: Ka ɓolu hilɛ həɠə nɛ̨ŋɛ̨n ɉaláá kulɔ mɛ̨nį ɓa; ka kwɛlan dɔ̨nɔ̨ ɓɛlaa lon da kwɛlan dɔ̨nɔ̨ nįŋɛ̨ lon di həɠə, kpɛɠii hvo kɛ di ta lɔpee ɓa, haláá yii da gəlee kələn mąą mɛ̨nį ɓa.

Levetekɔ 16:3

«Ɉɛn mąąnɛ̨ɛ̨ ə kɛ Aarɔn yəi yɛ lɔ la gee kaa kələ mu ya ka: Nįŋɛ̨ hilɛ gbɔn dɔ̨nɔ̨, yii gaa a nɛ̨ŋɛ̨n mąąhvaalɛɛ haláá hɛn, ə ɓɛlaa hilɛ tɔ̨nɔ̨ kulɔ a haláái da gəlee kələn.

Levetekɔ 16:5

Israɛlə lonnii di pɛlɛ di kee ɓa, di ɓolu hilɛ hveelɛ tɛɛ bɔ a nɛ̨ŋɛ̨n mąąhvaalɛɛ haláá hɛn, di bɛlɛ ɓɛlaa hilɛ tɔ̨nɔ̨ ɓa, yii da gɛ a haláái da gəlee kələn.

Izikiɛ 40:39

Bɛlɛ́i tii ɲimɛ̨n mu, taɓali hveelɛ ə kɛ ɓɛ pələ, da ɓɛ pələ; di mɛ̨i ɓə, da Yálá kɔ́ haláá taatɛlɛɛ nwun dee laa, da nɛ̨ŋɛ̨ɲ mąąhvaalɛɛ haláá taatɛlɛɛ, da nu pɔɔ ŋą pɛli haláá nwɛi.

Izikiɛ 44:27

Yili pulu ɲələi a lɔ la gɛɛnąą mąąhəɠɛɛ ɓa ɲįmąn mu bɛlɛ́n bələ, yɛ ɉaláá mɛ̨nį kɛ gɛɛnąą mąąhəɠɛɛ ɓa, a nwɔ nɛ̨ŋɛ̨n mąąhvaalɛɛ haláá kulɔ. Mɛ̨nį kəlee ŋą Hééɓomun Yálá woo li.