Levetekɔ 4:21 - Yálá laawoo hɛɓɛ (dc)

²¹ A nįŋɛ̨ lon ɉəɠə, ə kulɔ la taai, ə gələn yɛ bələi ə nįŋɛ̨ yii tii kələn na. Yili kaa a nɔi nuą kəlee mąą hvaalɛɛ hɛn.

Yálá laawoo hɛɓɛ

²¹ A nįŋɛ̨ lon ɉəɠə, ə kulɔ la taai, ə gələn yɛ bələi ə nįŋɛ̨ yii tii kələn na. Yili kaa a nɔi nuą kəlee mąą hvaalɛɛ hɛn.

Bible

²¹ É kúla a niŋa-sirɛi m̀ûui su é géreŋ yɛ̂ɛ berei è gɛ̀ la a niŋa-sirɛi maa-ŋuŋ. Gáa a sɔnyɔ̂ŋ su mɛni lɛ̀ɛ maa sâla sɛŋ Eezuɛ-ŋai mɛni ma.

Levetekɔ 4:21 Referans Kwoze

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Ɛsdrasə 8:35

Nąąlɔwai, nuąi həɠə nuwɔ laa hu, di nįŋɛ̨ hilɛ pow kɔ́w hveelɛ kulɔ Yálá ɓa a haláá yii da gəlee kələn, a Israɛlə lonnii kəlee mąą mɛ̨nį, ɓɛlaa lonnii pow mɛ̨inąąn kɔ́w mɛ̨ida, ɓɛlaa lonnii pow mɛ̨ihveelɛ kɔ́w mɛ̨ihveelɛ, ɓooli hilɛ pow kɔ́w hveelɛ, yai kɛ a nɛ̨ŋɛ̨n mąą hvaalɛɛ haláá, di gulɔ Yai-Laa ɓa a haláá yii da gəlee kələn.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Hebreu 13:11

Mąąhɔlɔɓo, daatɛlɛɛɠaai ɉaláá laa həli mun gɛnɛ̨ɛ̨ ə kɛli ɲąmą həɠə, yɛ lɔ la ɉəɠə pɛlɛ́ mu, yɛ nɛ̨ŋɛ̨nŋaa mąąhvaalɛɛ haláá kulɔ la, di kɛli daatɛlɛɛɠaa tii powaɠaa kələn, ɉį́i pulu pələ.

Levetekɔ 4:13

«Israɛlə lonnii kəlee da nɛ̨ŋɛ̨n ɉəɠə di tɛɠii, di mɛ̨nį ta kɛ yii Yai-Laa ə tɔ́n dɔɔ mą, diɛ gɛ di tɛɠii, diɛ di hɔn gɛ la tii,

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Lonon mo 15:24

nui a da mąą kala nɔi lonnii tɛɠii, nɔi lonnii kəlee da nįŋɛ̨ hilɛ tɔ̨nɔ̨ kulɔ Yai-Laa ɓa a haláá hɛn da gəlee kələn, mąą kun nɛ̨ɛ̨, da ɉaláá yiiɠaai tii da gɔ́ hɛnŋąą pɛlɛ mą, yɛ bələi gɛ pələ pɔlɔ kaa la. Di ɓooli tɔ̨nɔ̨ kɛ a nɛ̨ŋɛ̨n mąąhvaalɛɛ hɛn.

Lɛɛ gbɔwɔ ɓa 29:14

Kɛlaa nįŋɛ̨ huwɔ nwɛi, gɔlɔ, da gbo, ya di kələn daa pulu a nɛ̨ŋɛ̨n mąąhvaalɛɛ haláá.

Levetekɔ 6:11

Aarɔn lonnii hinąą lɔ ɓə da mį́i, yili kaa a tíɓo yii vilɛn ŋąąi yɛ́ ka ə́ lonnii kaa a yələ kəlee mɛ̨nį, ɉalááɠaai da gələn Yai-Laa lííla mąą mɛ̨nį hu. Gulaa ka pulu, nu takpɛli lɔpee a tunwɔ̨n da ɓa, mąąnɛ̨ɛ̨ ə haa.»

Levetekɔ 6:23

Kɛlaa, nɛ̨ŋɛ̨n mąąhvaalɛɛ haláá taatɛlɛɛ lɔpee nwɛi, da li a ɲąmą gee kaa kələ mu, diɛ nɛ̨ŋɛ̨n mąąhvaalɛɛ kóló kɛ gɛɛnąą mąąhəɠɛɛ tii ɓa, mąą hvo nɛ̨ɛ̨li diɛ mį́i, mąąnɛ̨ɛ̨ di gəlee kələn.

Levetekɔ 8:17

Nįŋɛ̨ kɔ́lɔ, ɉuwɔ da gbo, di di kələn daa pulu, yɛ bələi Yai-Laa ə Moisə tí la.

Levetekɔ 16:27

Nįŋɛ̨ gbɔn da molu hilɛi tii kɛ a nɛ̨ŋɛ̨n mąąhvaalɛɛ taatɛlɛɛ, diɛi tii di di ɲąmą həɠə diɛ li la gɛɛnąą mąąhəgɛɛ ɓa, diɛ nɛ̨ŋɛ̨n mąą hvaalɛɛ kóló kɛ la, da ɉuwɔ həɠə di kulɔ la daa pulu, di ɉuwɔ, gɔlɔ ə mą kɛ gbo, di gəlee kələn.

Izikiɛ 45:22

Mąą yələ, dɔɔmun a nɛ̨ŋɛ̨n mąąhvaalɛɛ ɉaláá kulɔ, a nįŋɛ̨ hilɛ tɔ̨nɔ̨, yaa da nɔi lonnii kəlee di mąą mɛ̨nį ɓa.