Bib sou entènèt

Levetekɔ 26:6 - Yálá laawoo hɛɓɛ (dc)

⁶ Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Gade chapit la Kopi

Yálá laawoo hɛɓɛ

⁶ Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Gade chapit la Kopi

Bible

⁶ “Ŋa pâi gɛ̂i lii-see kɛ́ ƃò káyêei ǹɔii su. Ŋa pâi vɛnɛ-sãa nyɔ́mɔɔ-ŋai kélee kpɛ̂i kákɛ̂i. Kɔ́ mɛni fé ŋɔ́nɔ pâi kɛ̂i ǹɔii su.

Gade chapit la Kopi

tounen moute ⬆

Levetekɔ 26:6
43 Referans Kwoze

Azaya 35:9

Nu da yala di hvo pai kwiɛn ɉii laa, lɔwɔ huwɔ kpəɠiɛ ta lɔpee hvo pai gɔwɔ hvilɛn ɉii mɛ̨i, di hvo pai da kaai laa; nuąi a Yai-Laa yee pɔ nuą, diɛ ɓə pai kɛi tɛɛi a bələi tii.

Sofoni 3:13

Israɛlə nu kpəlii a lɛɛ, di hva kɛa tuwɔ pələ ɲɔ̨n gulɔ. Di hvo kɛa pai kɛi lɛɛ hvaaɓoi, nu ɓowo woo hva kɛa kulɔ di la, Kɛlaa, di kaa pai kɛi di laa mį́į́, diɛ di hvįįtɔɔ; ɛlɛɛ, nu ta hva kɛa di mąą ɲɔw.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Mąątɛ̨nɛ̨ 29:11

Yai-Laa kaa pai huwalawala tɛɛi nwɔ nu huwui pɔ, Yai-Laa kaa pai lúwɔ tooi nwɔ nu huwui ɓa liilaa hu.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Zôo 11:19

Yá kɛi ə́ hvįįtɔɔ, nu ta hva ə́ hviikpɛɛ. Ə lɛɛ, nu tamąą kaa pai kɛi ə́ ɲɛ̨i kələi.

Lɛɛ gbɔwɔ ɓa 23:29

Və́ pai di kpɛi kwɛlan dɔ̨nɔ̨ yee mu, ə gɛ, lɔwɔ huwɔɠaa di hvo pa tamą, di hvo kɔ́ pɛlɛ kaa.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Izikiɛ 14:17

A wala kɛ ti, ŋą́ pa a kɔ́ kɔ́ nɔi ti hu; gɛ́ kɛ diɛ: Ə kɛ a nu, ə kɛ a huwɔ; kɔ́ kɔ́ ɓɔwa ə tɛɛ, ə gəlee paa.

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Mąątɛ̨nɛ̨ 85:8

Yai-Laa, ə́ wɔ wɛlikɛmąąlaa lɛ kuɔ wɛ! Ə́ ku ɓalo!

Mąątɛ̨nɛ̨ 4:8

Yá gwə́inɛ̨ɛ̨, a kwəinɛ̨ɛ̨ kɛnɛ̨, ə tɛɛ mɔ̨nun da lɔɔ di kɛnɛ̨ yələ nu yəi ɓa.

Kɔlɔnikɔ Maa-ŋuŋ 22:9

Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Tɔɔɓɛlaa veelɛ 2:24

Elise ə tinɛ̨n, ə ɲɛ̨i hee diɛ, ə di nɛ̨ŋɛ̨n nąą Yai-Laa laa hu. Nąąlɔwai ursə hveelɛ di kulɔ nɔwɔi, di pa, di nɛapɛlɛ tii bow nąąn kɔ́w hveelɛ paa ɉu.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Gɛlaɠaa 12:6

Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Ɉeremi 31:26

Nąąlɔwai, ŋą́ nwun, ɛlɛɛ, ŋą́ gbaɠala kaa, gɛ́ kɛ ŋą́ą́ yíi ɲąąnɛ̨ɛ̨ ɓo.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Mąątɛ̨nɛ̨ 3:5

Gáá Yai-Laa təlii, a vą́ŋą kəlee, Aa lɛɛ nwɔ yee mąąhəɠɛɛi nwunɔ̨, aa nwóó mu hon.

Hanwon 6:22

Yiliɠaai ɓə da ə́ tənən dɔɔ ə́ hiɛ pələ hu. Yá kɛ laani, diɛ ə́ mąą kpɛ, yá ə́ ɲįnąą ɓo, ka diɛni kaa lono kɛ.

Hanwon 3:24

Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Zôo 5:23

Mąąhɔlɔɓo, ka lɔwɔi kwɛniɠaa ka mįnɛ̨ həɠə, ɛlɛɛ da, ka huwɔ nwɔ mɛ̨nį ɲɔ̨nwɔ̨ɔ̨ɠaa, ka ka lɔwai pɔn naa pu.

Levetekɔ 26:22

Ŋą́ lɔwɔ huwɔɠaa ŋąątɔɔ kaa, diɛ ka lonnii kulɔ ka yəi, diɛ ka wɔ taatɛlɛɛɠaai hu kala, diɛ ka paa, ka wɔ pələɠaai di kpɔlɔɔn.

Levetekɔ 26:7

Ka káá pai hvilɛn ɉii ka yowoɠaa pulu, diɛ too ka wɔ ɓɔwa kwɛaɠaai yəi.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Levetekɔ 25:18

Ka nwɔ́ tɔ́nŋąą hon, ka bɔ mɛ̨nį kɛ, ka gɛ tii, ya ɓə a gɛ ka ka wɔ yɛnɛ̨ɛ̨ kɛ nɔi a ka wəli pulu laɠiɛ.

Levetekɔ 25:19

Hihɛn gaa pai lɛlɛi kaa, ka káá pai kɔ̨nɔ̨n ɉɔlɔɓoi, kaa mįi a ka liilaa kaa, ka ɓo a ka wəli pulu laɠiɛ.

Kɔlɔnikɔ Veerɛi 20:30

Ɉosafatə nwɔ tɔɔlaai hu ɲąą ə laɠi; nwɔ Yálái ə liilaa tɛɛ bɔ da gwɛlɛ lɔiɠaa kəlee di lɔwai.

Mąątɛ̨nɛ̨ 144:14

Ku wɔ nįŋɛ̨ɠaai daa kpɛa kpɛaa, di hvo kɛa pɛlii wolo ɉį́i ɓa wɔlɔ woo hva kɛa tɔɔ ku wɔ taaɠaa hu!

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Izikiɛ 34:27

Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Osia 2:20

Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Swiv nou:

Lyen patwone

Piblisite

Piblisite