Levetekɔ 26:46 - Yálá laawoo hɛɓɛ (dc)

⁴⁶ Dɔ́n nwooɠaa, nɔi hon bələɠaa da díɓoɠaai Yai-Laa ə naa, yaa da Israɛlə lonnii di lɔwai, Sinai Yee nwuɔ̨, Moisə ə ɓo di lɔwai, diɛ ka tii.

Yálá laawoo hɛɓɛ

⁴⁶ Dɔ́n nwooɠaa, nɔi hon bələɠaa da díɓoɠaai Yai-Laa ə naa, yaa da Israɛlə lonnii di lɔwai, Sinai Yee nwuɔ̨, Moisə ə ɓo di lɔwai, diɛ ka tii.

Bible

⁴⁶ Yâwɛɛ è dɔ̂ŋ-ŋai ŋí tɛ̀ɛ Mose pɔ́ é m̀ɛni-ŋai ŋí ƃó ma Eezuɛ-ŋai mɛni ma Sana Yeei mâ.

Levetekɔ 26:46 Referans Kwoze

Levetekɔ 27:34

Diɓoɠaai Yai-Laa ə dɛɛ Moisə pɔ Israɛlə lonnii mąą mɛ̨nį ɓa, Sinai Yee nwuɔ̨, diɛ ka tii.

Dutɛrɔnome 12:1

Dɔnŋąą da nɔi hu yíi ɓo pələi mąąnɛ̨ɛ̨ ka gɛ, nɔi ŋɛ̨i Yai-Laa ka nąnni di wɔ Yálá aa dɛɛ ka pɔ, kaa li heei ɉu, ka mɛ̨nįɠaa ŋɛ̨i kɛ ka yíi hvóló kəlee hu, nɔi ti mɛ̨i.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Levetekɔ 25:1

Yai-Laa ə pələ ɓo Moisə ɓa Sinai Yee nwuɔ̨, yɛ mą:

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Lonon mo 4:37

Kehatə lonnii lonoɔ ka tii, diɛi kpɔ kɛi kóló kɛ gee kaa kələ mu. Diɛi tii Moisə da Aarɔn di di laa pɛ̨ɛ̨, yɛ bələi Yai-Laa ə Moisə tí la.

Levetekɔ 8:36

Aarɔn da nonnii di Dɔ́n nwooɠaai tii kəlee hon, yii Yai-Laa ə mo Moisə ɓa, yɛ naa di nwuɔ̨.

Levetekɔ 7:38

Yai-Laa ɓə nɛ Moisə ɓa Sinai Yee nwuɔ̨ a ɲələi ə kɛ la Israɛlə lonnii diɛ, di pa a Yai-Laa kɔ́ hɛnŋąą Sinai nɔi pun ɉu.

Levetekɔ 27:1

Yai-Laa yɛ Moisə ɓa:

Lonon mo 36:13

Yili ɓə kɛ a Yai-Laa nwɔ tɔ́n da bɔ liɛwoo, yii ə bɛ̨ɛ̨ ə dɛɛ Moisə pɔ, Israɛlə lonnii mąą mɛ̨nį ɓa; Moabə yɛɛ kɔ́wɔ hu Ɉurdɛn yá kwɛlɛ, Ɉeriko taa tənən ma.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Dutɛrɔnome 29:1

Moisə ə Israɛlə nuą kəlee təli, yɛ diɛ: «Mɛ̨nįɠaai kpɔ Yai-Laa ə gɛ, Eziptə lɔi hu Faraɔn ɓa, da nwɔ tínuą kəlee, da nɔi nuą kəlee, ka ɲɛ̨i ɓa, kaa kpinįi ka di kaa.

Dutɛrɔnome 33:4

Dɔ́n ŋɛ̨i Moisə ə dɛɛ ku pɔ, gaa a hɛn gɔw mąą mɛ̨nį nwąnąą Ɉakɔbə lonnii diɛ!