Levetekɔ 25:39 - Yálá laawoo hɛɓɛ (dc)

³⁹ «Ə́ wɔ kwələ a kɛ ə́ kaayɔwɔ ta ɓa, a gbɔwɔ hee yɛ́ a tɔlaa, mąą hvo nɛ̨ɛ̨li hvo bɛlɛ luwɔ kóló ɓa.

Yálá laawoo hɛɓɛ

³⁹ «Ə́ wɔ kwələ a kɛ ə́ kaayɔwɔ ta ɓa, a gbɔwɔ hee yɛ́ a tɔlaa, mąą hvo nɛ̨ɛ̨li hvo bɛlɛ luwɔ kóló ɓa.

Bible

³⁹ “Káai a Eezuɛ-ŋai káta a kòlo a gbîŋ tɛ̀ɛ káta pɔ́ a luɛ sɛŋ mɛni ma káfe gɛ̀ maa nuui é tíi kɛ́ kâa yɛ̂ɛ luɛ.

Levetekɔ 25:39 Referans Kwoze

Lɛɛ gbɔwɔ ɓa 21:2

‹Yá Hebreu lon da hon a tolaa, a kóló kɛ yɛ́ kwɛlan mɛ̨ida yee mu. Gwɛlan mɛ̨ihveelɛnąą, yá nɛɛ gbɔwɔ ɓa.

Tɔɔɓɛlaa dɔlɔɔ 9:22

Salomɔn hvo Israɛlə lon da pɛlɛ pɔlɔtɛ kóló ɓa. Di wɛi, di kɛ a kɔ́ kɔ́ nuą, diɛ ɓo a nwɔ nwun nąmįną, pɛlɛɛɠaa da gbɛa-kpɛa, a kɔ́ wotolo nwun nąmįną, da hoo gilɛ həɠə nuą.

Nehemi 5:5

Kɛlaa yaan, kwa ku kaayɔwɔɠaa ku kɔ́lɔ ə ɓo lɔ tɔ̨nɔ̨, ku lonnii da di lonnii di kɔ́lɔ ə ɓo tɔ̨nɔ̨. Bələi mąn gaa la tii, mąąnɛ̨ɛ̨ ku ku lon ɉinąą da ku lon nɛ̨ąą taɠaa tɛɛ luwɔlaa hu. Ku lon nɛ̨ąą taɠaa kaa mun kɛa luwɔlaa hu. Ku hva pɛli mɛ̨nįi lɔpee ta kɛi, ku wɔ tíiɠaai da ku wɔ viɲə yɛɛɠaai kaa kɛa nu takpɛliɠaa yəi.»

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Levetekɔ 25:46

Ka pɛli di lɛɛi ka lonnii yəi. Ka lonnii di wɔɔ li; diɛi tii, ka pɛli di kɛi a luwɔɠaa a yələ kəlee. Kɛlaa, ka huwu, diɛi ɓaa Israɛlə lonnii, mąą hvo nɛ̨ɛ̨li ka hvo da kɛ a ka wɔɔ luwɔ, kaa hee mɛ̨i kaa mɔ̨nɔ̨ ɓo.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Lɛɛ gbɔwɔ ɓa 22:3

«‹Daataatɛlɛɛi tii di nwuɔ̨, yɛ ə kɛ a nįŋɛ̨, yɛ ə kɛ a hoohvaalən yɛ ə kɛ a ɓɛlaa, da gaa nwuɔ̨mun ɲəi a vulú, mąąnɛ̨ɛ̨ ə yili ɲɔ̨nwɔ̨nmąn veelɛ tɛɛ a bɔɔi.

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Maafîu 18:25

Ɉulɔnui tii di paa la, yii kɛa hɛn da hvo kɛ ɲəi yii a pɛli kɛ mąą kwələ kulɔi la, gwələ nąmu ə mo yɛ diɛ: Ka li ka nɔwɔtɔɔ, yaa da ɲəi hɛnɉaa kəlee, ə mą kɛ nɛ̨ą da nonnii; ə gɛ, lɔ nwɔ kwələ kulɔi ə hɔlɔɓo.

Kɔlɔnikɔ Veerɛi 28:10

Yii hui ŋɛ̨i, ka káá kɛi diɛ, ka Ɉuda nuą da Ɉerusalɛmə nuą ŋɛ̨i kɛ a ka wɔɔ luwɔ hinąą da ka wɔɔ kólo kɛ nuą! Kaa kpɔ ŋɛ̨i, a kaa kpįnįi kpɔ ŋɛ̨i, ka hvo mɔ̨ɔ̨ a hɔnmąą nuą ka wɔɔ Yálái Yai-Laa ɲɛ̨i a?

Ɉeremi 34:8

Nwoo ŋɛ̨i ə həɠə nwɔ̨nɔ̨ Yai-Laa pɔ, yɛ həli Ɉeremi ɓa. Ɓɛlɔwai tɔɔmun Sedesiasə ə mo la nuąi kpɔ Ɉerusalɛmə diɛ, da diɛni di woo ə laa ma, diɛ nuwɔɠaa kəlee lɛɛ di kpɔɔ ɓa, nąąlɔwai li kɛ.

Ɉeremi 34:9

Mąą nɛ̨ɛ̨, nui nwɔ luwɔ a kɛ a Hebreu mun, ə nɛɛ gbɔwɔ ɓa; ɉinąą mąn nɛ̨ąą mąn. Ɛlɛɛ, káái a Ɉuda nuą, nu ta hvo kɛa gaayɔwɔ ta kɛ a luwɔ.