Levetekɔ 25:20 - Yálá laawoo hɛɓɛ (dc)

²⁰ «Ka kaa pai kɛi diɛ: ‹Lə ɓə ku kaa pai mįi gwɛlan mɛ̨ihaaɓa nąą yee mu? Mąąhɔlɔɓo, ku hvo pai mɔ̨nun deei, ku hvo pai ku wɔ hihɛnŋąąi ɓa kulɔi›

Yálá laawoo hɛɓɛ

²⁰ «Ka kaa pai kɛi diɛ: ‹Lə ɓə ku kaa pai mįi gwɛlan mɛ̨ihaaɓa nąą yee mu? Mąąhɔlɔɓo, ku hvo pai mɔ̨nun deei, ku hvo pai ku wɔ hihɛnŋąąi ɓa kulɔi›

Bible

²⁰ Ka pâi marê kɛ̂ɛ kɛ̂i kâai, “Lé ƃé kwa pâi kɛ̂i miî góraŋ su kúfe pâi sí-sãa sîi lai?”

Levetekɔ 25:20 Referans Kwoze

Lukə 12:29

Ka hvo ka liihɛlɛn a ka kɔ̨nɔ̨n mɛ̨nį da ka kpələyá mɛ̨nį.

Levetekɔ 25:4

Gwɛlan mɛ̨ihveelɛnąą, a kɛ a nɔi nwɔ hvįįtɔɔ kwɛlan Yai-Laa nwɔ hvįįtɔɔ kwɛlan ni; ka hva tíi kɛ la, ka hva viɲəɠaa mąą kulɔ.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Kɔlɔnikɔ Veerɛi 25:9

Amasiasə yɛ Yálá nwɔ nui tii ɓa: «Akɛtii, nwali kwələ nwundɔ̨nɔ̨i ŋɛ̨i ŋį́ dɛɛ Israɛlə kɔlaɠai ɓai, ŋį́ yili kɛ ləi?» Yálá nwɔ nui yɛ mą: «Hɛn gaa Yai-Laa yəi yɛ dɛɛ ə́ pɔ, gɛnɛ̨ dɛɛ yili ɓa.»

Lonon mo 11:13

Mįnɛ̨ ɓə ŋą́ pɛli huwɔ hɔlɔɓoi laa, gɛ́ dɛɛ nu kpulu kɛnɛ̨i ŋɛ̨i pɔ, diɛi di hvilɛn ŋąą búlu, diɛ di woolaa, diɛ kɛ mą́ą́: ‹Huwɔ tɛɛ ku pɔ ku mįi!›

Lonon mo 11:4

Israɛlə lonnii lɔwai, nwɛ̨ą ɲɛ̨i tamąą di kɛ laa. Ɲɛikulɔ ɓɔ ə lɔ di hu, da Israɛlə lonnii, diɛ kɛa di woolaa, diɛ kɛ mą: «Gbɛɛ ɓə pai hvɛnɛ̨ hɛn dɛɛi ku pɔ, ku mįi!

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Levetekɔ 25:6

Nɔi nwɔ hviitɔɔi tii ɓə pai ka kɔ̨nɔ̨n gulɔi, yɛ kpinįi, ə́ wɔ luwɔɠaai, ə mą kɛ ə́ wɔ kóló kɛmun yii ya kɛ ɉalai, ə mą kɛ ə́ wɔ nwɛ̨ą da nuąi ə́ yəi bɛlɛ́n, hɛn a tiliin nɔi ɓa gbɔwɔ ɓa, ya ɓə pai kɛi a ka kɔ̨nɔ̨n.

Levetekɔ 25:19

Hihɛn gaa pai lɛlɛi kaa, ka káá pai kɔ̨nɔ̨n ɉɔlɔɓoi, kaa mįi a ka liilaa kaa, ka ɓo a ka wəli pulu laɠiɛ.