Biblia Todo Logo
Bib sou entènèt

- Piblisite -




Levetekɔ 24:11 - Yálá laawoo hɛɓɛ (dc)

11 Israɛlə nɛ̨ɛ̨nu lon tii, ə Yálá laa ɓɛlɛ too, ə Yálá lalan. Di ɉon di paa la Moisə pɔ. Nɛ̨ɛ̨nui tii laa ɓaa kɛ a Selomitə, Divri lon ni, ə kulɔ Dan huwuhu.

Gade chapit la Kopi

Yálá laawoo hɛɓɛ

11 Israɛlə nɛ̨ɛ̨nu lon tii, ə Yálá laa ɓɛlɛ too, ə Yálá lalan. Di ɉon di paa la Moisə pɔ. Nɛ̨ɛ̨nui tii laa ɓaa kɛ a Selomitə, Divri lon ni, ə kulɔ Dan huwuhu.

Gade chapit la Kopi

Bible

11 Eezuɛ nɛnii ŋí ǹóŋ è Ɣâla làraŋ é ǹáɣaŋ. Dí ǹyaŋkpai ŋí sòŋ dí pá la Mose pɔ́. Ǹyaŋkpai ŋí ǹee láa ƃe kɛ̀ a Selomi. Selomi ǹâŋ láa ƃe kɛ̀ a Diburi. Diburi è kɛ̀ a Daŋ ŋɔsuui su nuui da.

Gade chapit la Kopi




Levetekɔ 24:11
33 Referans Kwoze  

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;


Kɛlaa, gɛ́ lɔ ə́ hvaa mą, mɛ̨nį ta ə həli gbinį ɓa a nwąnąą, yɛ həli gɔw ɓa; gu mąn doo a hea, gaa pai ə́ nɛ̨ŋɛ̨n naa ə ɲɛ̨i ɓa.»


«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.


Di wɔɔ kólói ɓaa diɛ nuą lɔwai mɛ̨nį ɓo; mɛ̨nį ɓo a walawala, di paa la Moisə pɔ. Yii hvo walawala li, diɛ mo diɛ kpinįi.


Diɛ ɓə pai kɛi nuą kiti teei a yələ kəlee. Yii a kɛ a mɛ̨nį walawala, di paa la ə́ lííla. Kɛlaa, mɛ̨nį pɛlɛɛ pɛlɛɛɠaa di wɛi, nuą tii ɓə da yili ɲɛ̨i kulɔ diɛ kpinįi. Gɛ tii, ə gɛ, diɲɛ ta ə kulɔ mą ə́ yəi, ka diɛni ka kpɔnmą.


Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.


Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.


Diɛ yələkɔlɔn ɉu Yálá lalan, mɔ̨nɔ̨i tii di kaa mįi mąą mɛ̨nį ɓa, ɛlɛɛ, da di wɔ palaɠaai mąą mɛ̨nį ɓa, kɛlaa, di hvo gɛ di hvo di tuwɔ́ pələ mąąhvalin.


a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.


Yɛ bələi bɛ̨ɛ̨i la Yálá lawoo hɛɓɛ́ hu yɛ kɛ: Káái a Ɉuifəɠaa, kaa kaa ɓə ka gɛ huwu takpɛliɠaa diɛ Yálá ɓɛlɛ too woo ɓo.


Ɉaláá laa həli nuą nwun nąmui tii ə mąą həɠə hu ɓɛla, yɛ diɛ: «Aa Yálá lalan. Yili ɓa tii, ə mą kɛ kɛa gu hvo kɛla takpɛli kwɛli li, ka kəlee kaa nąą kaa, ə lɛɛ kaa nwoo ɲɔ̨n tii mɛ̨n.


Yálá! 'Ə́ muhəɠə, ə́ kpɔwɔ mɛ̨nį mąąkɔ̨nwɔ̨, ə́ kiliŋąhiɛ mowo nuąi ŋɛ̨i di wɔ lalan da kɛ bilii mą.


Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.


Mɛ̨nįɠaai ti kəlee hu, Ɉobə hvo nɛ̨ŋɛ̨n ɉəɠə, hvo woo ɲɔ̨n mo Yálá laa mɛ̨i.


Kɛlaa, ɉɛnŋąą tii ɲəi, hvaa lɔ mąą di kala, a tɛ̨ą kpɔ-kpɔɔ, gɛ́ diɛ: Gaa pai ə́ nɛ̨ŋɛ̨n naai ə́ ɲɛ̨i kwəleen ma.»


Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.


Gbɛɛ ɓə ə́ nalan? Yɛ mɛlɛkpɛɛ mą? Gbɛɛ ɓə ə́ ə́ woo həɠəi mą? Yɛ́ gaa a ə́ ɲɛ̨i kpon bələ? Israɛlə nwɔ Yálá Mąąhəɠɛɛ ɓə!


Ka li kaa Ɉuda tɔɔmun Ezekiasə ɓa: «Ə́ wɔ Yálái ə́ kilitɔɔ mąi, hvo kɛ gaa ə́ ɓowoi, yɛ kɛ diɛ, Ɉerusalɛmə taa hvo pai lɔi Asiri tɔɔmun ɲee ŋą.


Yili yɛ diɛ: «Mɛ̨nįi ka lii moi ka Nąmu ɓa, ya ka, Yai-Laa woo li, yɛ diɛ: Nwooɠaai ə́ kaa mɛ̨n ɉii, da nalan ŋɛ̨i Asiri tɔɔmun nwɔ nui ə mo, hvo ɲɔw yili ɓa.


Dɔɔ pɛlɛ́ nwun nąmu Ɛliakimə, yai a Hilkiyahu lon, ɉɛɓɛ́ kɛmun Sɛvna da Asafə lon Yoa, yii a noloɓomun, di pənə di li Ezekiasə pɔ, daa di mąą həɠəɠaa hu ɓɛla. Di gwɛli hɛn ɉəɠəmun tii wooɠaa hukulɔ mą.


Ɉaliɠaa tii, nɛlɛ kpɔ ɓə pɛli nwɔ lɔi kulɔi ɲə́i, yai, ka kɛ diɛ: Yai-Laa a pɛli Ɉerusalɛmə taa kulɔi ɲə́i!»


Ka hvo ka kilitɔɔ Ezekiasə woo ɓa, yai ə kɛ la kaa: ‹Ka ka kilitɔɔ Yai-Laa ɓa; yɛ kɛ kaa, Yai-Laa kaa pai gu nwun mąąkɔ̨nwɔ̨i, daai ŋɛ̨i hvo pai tooi Asiri tɔɔmun ɲee ŋą.›


Nu kpoloon veelɛi tii di lɛɛ pɛlɛ Nabɔtə ɓa nuą kəlee ɲɛ̨i ɓa. Diɛ kɛ mą: «Nabɔtə aa Yálá da tɔɔmun di nɛ̨ŋɛ̨n naa.» Ɲąąɓa, di Nabɔtə kulɔ taai, di lɛɛ ɉɔɔi a kwɛni, ə lɛɛ la ɉu ə haa.


Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»


Kɛlaa, gɛ mɛ̨nį yaa Yai-Laa ɓɛlɛkpɛɛ ma a dúwɔ́ ŋɛ̨i ə́ moi, non ɉulɔnui tii hɔlɔɓo, gaa pai haai.»


«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.


Israɛlə nɛ̨ɛ̨nu ta lon da Eziptə mun da lon, diɛi lɛɛ Israɛlə lonnii pɔ diɛ pa; hvaa ə too Israɛlə nɛ̨ɛ̨nui ti lon da Eziptə mun da di lɔwai,


Swiv nou:

Piblisite


Piblisite