Levetekɔ 22:9 - Yálá laawoo hɛɓɛ (dc)

⁹ «Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Yálá laawoo hɛɓɛ

⁹ «Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Bible

⁹ “Fɛ̂ɛ zâla láa soŋ-ƃelai dí ŋátɔ̂ŋ-ŋai mɛi káa ŋá dɛ̀ɛ dípɔi. Da wàla gɛ́ da pâi saâi díkpîŋ sɔnyɔ̂ŋ su, kpɛ́ni fêi, da ƃâa kula ńaa ḿa. Ńyãa ƃa Yâwɛɛ nyii dímaa waai.

Levetekɔ 22:9 Referans Kwoze

Lɛɛ gbɔwɔ ɓa 28:43

Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Lonon mo 18:32

Mɛ̨nįɠaai tii kəlee hu, ka ɉɛnŋąąi tii nɛlɛɛɠaa kulɔ ɉu, nɛ̨ŋɛ̨n va kɛ kaa yili hu. Israɛlə lonnii di wɔ haláá mąą həɠɛɛɠaa hukalaa hvə li, ɛlɛɛ, ka hva haa yili mąą mɛ̨nį ɓa.»

Lonon mo 18:22

A kɛ tii, Israɛlə lonnii di hva kɛa lɛɠɛ gee kaa kələ ɓa, ə gɛ di hvo pa nee nɛ̨ŋɛ̨n ɉəɠə di hvo haa.

Levetekɔ 22:16

Da ɉaláá hɛn mąą həɠɛɛɠaa tii ta mįi, ɓɛlɔwai ɉɛn tii mįi mɛ̨nį mąą laa hvo tɛɛ li la di pɔ, da nɛ̨ŋɛ̨n ɉee Israɛlə nuą nwuɔ̨, yii mąąnɛ̨ɛ̨ di di pɔɔŋą pɛli ɉu. Mąąhɔlɔɓo, ɲą́ą́ ɓə gáá a Yai-Laa, yai a di mąąhəɠə.»

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Maafîu 23:17

Éé! Ka hva mɛ̨nį ɲąą kaa, ka ɲɛ̨i puɔ. Akɛti, ɉɛn veelɛi tii nɛlɛ ɓə gɛnɛ̨, Yálá hee pɛlɛ́, ɓaa mu hɛni? Yaan, Yálá hee pɛlɛ́ ɓə a gɛ mu hɛni mąą yɛ wiɛ.

Levetekɔ 16:13

Ɲee ɲąą hveelɛi tii ə ɉəɠə, ə bu nwɔ̨n ŋą Yai-Laa lííla, nulu yɛ pɛlɛ gəhi da naa kalan di mɛ̨i; yili a kɛ tii, hva haa.

Levetekɔ 18:30

«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.