Levetekɔ 20:27 - Yálá laawoo hɛɓɛ (dc)

²⁷ «Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Yálá laawoo hɛɓɛ

²⁷ «Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Bible

²⁷ “Fɛ̂ɛ ka zurɔ̂ŋ kpaa máŋ ǹɛnîi nyii a tɛli kpɛ̂i kpaa máŋ gɛ lòno zaa-ƃelai pɔ́i páa. Ka dísɔɔ a kɔni é lɛ́ɛ la zu dí saa, díŋãai maa mɛni káa dîa kpîŋ díŋûa.”

Levetekɔ 20:27 Referans Kwoze

Levetekɔ 19:31

«'Ka hvo ɲąmuątaa tɔlu mɛ̨nį kaa a tɛ̨ą, ka li di pɔ, yili a ka mąąliɓi. Ɲą́ą́ ɓə gáá a Yai-Laa, ka wɔ Yálá.

Levetekɔ 20:6

«Nui lɔpee a li ɲąmuątaa tɔlukpɛmun da pɔɔli mąą tɔlukpɛ mɛ̨nį ɓa, yɛ gbɔwɔ mąąiɓi la tii, ŋą́ hee mąą nu hu, ŋį́ gulɔ nɔi nuą lɔwai.

Lɛɛ gbɔwɔ ɓa 22:18

«‹Nui a laa a taatɛlɛɛ ta, da mąą nu paa.

Gɛlaɠaa 16:16

Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Levetekɔ 24:14

«Nui tii nalan bili, ka kulɔ la daa pulu pələ, nuąi kpɔ nwoo mɛ̨n, di di yee laa nwuɔ̨, ɛlɛɛ Israɛlə nuą kəlee di ɉɔɔ a kwɛni.

Lonon mo 15:35

Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Samuɛlə dɔlɔɔ 28:3

Samuɛlə aa kɛ haa, Israɛlə nuą kəlee daa kɛ ɉaa mɛ̨nį kɛ. Ə lɛɛ, daa kɛ noo bɔ taai Rama. Saulə aa kɛ tɔlu kpɛ nuą da ɲąmuątaa tɔlukpɛ nuą kəlee kpɛ lɔi hu.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.