Levetekɔ 2:9 - Yálá laawoo hɛɓɛ (dc)

⁹ Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Yálá laawoo hɛɓɛ

⁹ Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Bible

⁹ Ǹyaŋ zâla láa soŋ-nuui a pâi zama-sɛŋ ŋí da kulâi ma é gɛ́ a zãai ŋí kélee pɔ́ɔ ŋa tôoi é géreŋ ŋ̀âla-teƃelei ŋá, nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 2:9 Referans Kwoze

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Levetekɔ 6:15

«Non ɉinąą lɔwai, nui di pai ɉeei a ɉaláá laa həli mun a nwulɔ mąąhəɠɛɛ a gɛ lɔ tii, yələ kəlee tɔ́n ni, da gələn gbɔ tɛ̨ɛ̨tɛ̨ɛ̨ Yai-Laa ɓa.

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Levetekɔ 2:8

«Yá paa a Yálá kɔ́ hɛn tii bɛliɛ a Yai-Laa nwɔɔ, ə́ dɛɛ ɉaláá laa həli mun bɔ. Yili ə li la ə naa ɉaláá kulɔi.

Levetekɔ 2:16

Yili pulu, ɉaláá laa həli mun a da kələn a kili too ɲą hɛn; a nɛɠɛ ta həɠə, ə nwulɔ ta həɠə, ə bɛlɛɛ lansan kəlee ɓa. Yili kaa a haláái da gələn Yai-Laa ɓa.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 5:12

A paa la ɉaláá laa həli mun bɔ, yili a ɲee hvɛɛ ɉu, a kili too ŋą haláá. Ə gələn ɉaláá kulɔ kəhi mɛ̨i, ə bɛlɛ Yai-Laa nwɔ haláá kɔ̨nɔ̨nŋąą diɛ, nɛ̨ŋɛ̨n mąąhvaalɛɛ haláá li.

Levetekɔ 24:7

Ə́ lansan pu ɲɛli tɛitɛi mɛ̨i, ə́ gələn, yili a kɛ a kili too ŋą kɔ̨nɔ̨n; Yai-Laa nwɔ haláá hɛn ni.

Lonon mo 5:26

Ə ɲee ɲąą tɔ̨nɔ̨ həɠə ɉu, yii da kɛ mą kili too ŋą hɛn, ə gələn ɉaláá kəhi mɛ̨i. Yili pulu ə ɲái tii tɛɛ kɛa nɛ̨ɛ̨nui pɔ, ə gbələ.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.