Levetekɔ 2:15 - Yálá laawoo hɛɓɛ (dc)

¹⁵ Ə́ wulɔ pɛlɛ mą, da lansan, hihɛn mɛ̨ikɔw haláá ka tii.

Yálá laawoo hɛɓɛ

¹⁵ Ə́ wulɔ pɛlɛ mą, da lansan, hihɛn mɛ̨ikɔw haláá ka tii.

Bible

¹⁵ Ɔle-wulɔ pú ma da kéreŋ sɛŋ kúŋ nɛ̃ɛ. Gáa a mii-sɛŋ sama-sɛŋ.

Levetekɔ 2:15 Referans Kwoze

Levetekɔ 2:14

«Ya kɛi pa Yai-Laa kɔ́i a ə́ yəi ɲɛa hihɛn mɛ̨ikɔw, a kɛ a hɛn gbaɠa ɓa, 'nɛ nwɔ̨n ma ə pola, ə́ vunwɔ̨ yɛ́ tɛɠa paa la.

Levetekɔ 2:16

Yili pulu, ɉaláá laa həli mun a da kələn a kili too ɲą hɛn; a nɛɠɛ ta həɠə, ə nwulɔ ta həɠə, ə bɛlɛɛ lansan kəlee ɓa. Yili kaa a haláái da gələn Yai-Laa ɓa.

Lɛɛ gbɔwɔ ɓa 29:2

Ə́ bɛlɛ lɛɠɛ ɓa yii dɛ hɛn və ɉu, nwɔ̨mįi yii dɛ hɛn və ɉu, di ɲɔwɔɔn a wulɔ, di da kɛ a nwɔ̨mįi pɛlɛɛ di wulɔ pu mą, gəlee diɛ ɓo a mɔ̨nun.

Lɛɛ gbɔwɔ ɓa 30:34

Yai-Laa yɛ Moisə ɓa: «Hɛnŋąą kun nɛ̨ɛ̨ɠaa kwɛli, a wulu kɔ́lɔ kun nɛ̨ɛ̨ɠaa, di kɛnɛ̨ yee pɛliɛ a gee.

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Levetekɔ 5:11

«Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Lonon mo 15:4

Nui pai gɔɓo huwui tii kɛi Yai-Laa ɓa, a pa a lɛɠɛ hunwɔ̨ gəgən ɉu haaɓa, ɲɔwɔɔn ŋąą a wulɔ litɛlɛ tɔ̨nɔ̨ da gbulɔ.