Levetekɔ 19:34 - Yálá laawoo hɛɓɛ (dc)

³⁴ Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Yálá laawoo hɛɓɛ

³⁴ Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Bible

³⁴ Ka ŋ̀ɔ̃ya-ŋai síɣe a káta, ká díwɛli yɛ̂ɛ káa kpîŋ, kpani fêi, káa máŋ ka kɛ̀ a ŋɔ̃ya-ŋa Ize lɔii su. Ńyãa ƃa Káɣâlai, Yâwɛɛ.

Levetekɔ 19:34 Referans Kwoze

Dutɛrɔnome 10:19

Kaa kpɛli mąn, ka nwɛ̨ąą wɛli la kɛ. Mąąhɔlɔɓo, kaa ta kɛ a nwɛ̨ąą Eziptə lɔi hu.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Maafîu 5:43

«Ka mɛ̨n di mo ka kąlą pɔlɔni diɛ: ‹Ə́ ɓɛlan gaa lon nwɛli la kɛ, ə́ ə́ yowo wɛli kpɛɛ yɛ́.›

Lɛɛ gbɔwɔ ɓa 22:21

'Hvo mɛ̨nį ɲɔ̨n naa kalanin da təlilon diɛ.

Lonon mo 10:32

Gwa kaa ni gwa li, mɛ̨inɛ̨ɛ̨ Yai-Laa yɛ gaa gɛi kuɔ, a gɛ kuɔ, ə́ wɔ a hɔlɔɓo ɉu.»

Dutɛrɔnome 23:7

Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Dutɛrɔnome 23:8

Ka hvə Edɔmə nuą kaa a nu ɲɔ̨nwɔ̨ɔ̨ɠaa, ka nąn nonnii ɓaa diɛ. Ka hvə Eziptə nuą kaa a nu ɲɔ̨nwɔ̨ɔ̨ɠaa, mąąhɔlɔɓo, ka kɛ di pɔ lɔi a nwɛ̨ą.

Rutə 2:10

Nąąlɔwai, Rutə ə pɛlɛ Boozə kɔ́wɔ mu nɔi ɓa, yɛ mą: «Lə ɓə kɛ yai ə́ mɛ̨inɛ̨ɛ̨ kɛnɛ̨i kɛ mą́ą́ hvo gɔ́lɔ́n; gɛ́ ɓo a nwɛ̨ą?»

Izikiɛ 47:22

Ka nɔiɠaa kɔ́ a kpɛɛn, ka wɛi da nweai da hee ka kɔ́wɔ mɛ̨i; ɛlɛɛ, da lonŋąąi di di kaa ka lɔwai. Mąąnɛ̨ɛ̨ ka di hon yɛ nɔi lon da Israɛlə nu huwui lɔwai. Ka diɛni ka nɔi kɔ́ a kpɛɛn, da Israɛlə nu huwu kəlee.