Levetekɔ 19:22 - Yálá laawoo hɛɓɛ (dc)

²² Mɛlaa hilɛi tii ɓə ɉaláá laa həli mun gaa pai nui tii pɔɔŋą pɛlii la, Yai-Laa lííla, nɛ̨ŋɛ̨n nui tii ə ɉəɠə mąąhvaalɛɛ hɛn ni.

Yálá laawoo hɛɓɛ

²² Mɛlaa hilɛi tii ɓə ɉaláá laa həli mun gaa pai nui tii pɔɔŋą pɛlii la, Yai-Laa lííla, nɛ̨ŋɛ̨n nui tii ə ɉəɠə mąąhvaalɛɛ hɛn ni.

Bible

²² Ǹyaŋ zâla-laa soŋ nuui a pâi sâla kulâi a m̀ála sirɛi ŋí zurɔ̂ŋ ŋɔsɔnyɔ̂ŋ su mɛni lɛɛ mani ma nyii è gɛ̀ a Yâwɛɛi. Ǹyaŋ ŋɔsɔnyɔ̂ŋ su mɛni a pâi lɛɛ̂i.

Levetekɔ 19:22 Referans Kwoze

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Levetekɔ 19:21

Mąąnɛ̨ɛ̨ ɉulɔnui tii ə pa a ɓɛlaa hilɛ gee kaa kələ laaləi, a Yai-Laa nwɔɔ, bɔɔŋą pɛli haláá hɛn ni.

Levetekɔ 19:23

«'Ka pa lɔi nɔi laakwɛlanmoɔ hu, ka pɛli ɓá wului lɔpee da hin ɉii, kɛlaa ka maɠaa kaa yɛ hɛn tɔ́n gaa mą, ka hvo ma ta mįi kwɛlan ɉaaɓa yee mu.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.