Levetekɔ 18:4 - Yálá laawoo hɛɓɛ (dc)

⁴ Ka nwɔ́ tɔ́n nwooɠaa hon, ka lɛɛ nwɔ́ tíɓoɠaa pulu; ɲą́ą́ ɓə gáá a Yai-Laa ka wɔ Yálá.

Yálá laawoo hɛɓɛ

⁴ Ka nwɔ́ tɔ́n nwooɠaa hon, ka lɛɛ nwɔ́ tíɓoɠaa pulu; ɲą́ą́ ɓə gáá a Yai-Laa ka wɔ Yálá.

Bible

⁴ Ka ŋátɔ̂ŋ-ŋai mɛi káa ká mɛni-ŋai kɛ́ ŋa môi kâai. Ńyãa ƃa Yâwɛɛ, Káɣâlai.

Levetekɔ 18:4 Referans Kwoze

Levetekɔ 18:2

yɛ mą: «'Mo Israɛlə lonnii diɛ yɛ diɛ: «Ɲą́ą́ ɓə a Yai-Laa ka wɔ Yálá.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Levetekɔ 20:22

«Ka ka yee kanąn nwɔ́ tɔ́nŋąą da bɔ liɛwooɠaa kələə ɓa, ka bɔ mɛ̨nį kɛ, əgɛ, nɔi ŋɛ̨i gáá ka lɔi ɉu, kaa hee laa, nɔi hvo pa nəi ɲee kulɔ ka mu.

Levetekɔ 19:37

«'Ka ka yee kanąn nwɔ́ tíɓoɠaai da dɔ́nŋąą kəlee diɛ, kaa bɔ túwɔ́ ɓo. Ɲą́ą́ ɓə gáá a Yai-Laa.»

Levetekɔ 18:26

«Ka wɛi, 'ka lɛɛ nwɔ́ tɔ́nŋąą, da nwɔ́ tíɓoɠaa pulu. Ka hvo dúwɔ́ taaləi tii ta ɓo, yɛ ə kɛ a nɔi lon da, a wala kɛ tii nwɛ̨ąi heeni ka kɔ́wɔ mɛ̨i.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Levetekɔ 19:19

«'Ka nwɔ́ tíɓoɠaai hon, hvó hvaa mą ə́ wɔ taatɛlɛɛɠaai di hvo a huwu tɔ̨nɔ̨, diɛ tɛ di kee ɓa. 'Hvó hihɛn ɉuwu hveelɛ hin ə́ pɔ yɛa, 'hvo həɠə too ə́ kwąną, ə ɓo a həɠə ɓɛla huwu hveelɛ a dee-tee.