Levetekɔ 18:2 - Yálá laawoo hɛɓɛ (dc)

² yɛ mą: «'Mo Israɛlə lonnii diɛ yɛ diɛ: «Ɲą́ą́ ɓə a Yai-Laa ka wɔ Yálá.

Yálá laawoo hɛɓɛ

² yɛ mą: «'Mo Israɛlə lonnii diɛ yɛ diɛ: «Ɲą́ą́ ɓə a Yai-Laa ka wɔ Yálá.

Bible

² “M̀ó Eezuɛ-ŋai dîa yɛ̂ɛi, ńyãa ƃa Yâwɛɛ, Káɣâlai.

Levetekɔ 18:2 Referans Kwoze

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Levetekɔ 11:44

Mąąhɔlɔɓo, ɲą́ą́ ɓə a Yai-Laa ka wɔ Yálá, mąąnɛ̨ɛ̨ ka ka kpɔwɔ mąąhəɠə, mąąhɔlɔɓo, mą́ą́həɠɛɛi. Ka hvo ka mąąliɓi a ɉuwɔ pɛlɛɛɠaai tii da tala lɔi mɛ̨i.

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.

Levetekɔ 20:7

'Ka ka túwɔ́ pələ mąąhəɠə, ka mąą ə həɠə, mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Levetekɔ 19:10

Ka hvo ka wɔ viŋə ma kəlee kulɔ tɛ̨ɛ̨tɛ̨ɛ̨, yii a pu nɔi ɓa, ka hvo ɲɛɠɛ, ka di lɛɛ laa a yeehvowolo nuą da nwɛ̨ą di wɔɔ. Ɲą́ą́ ɓə gáá a Yai-Laa ka wɔ Yálá.

Levetekɔ 18:4

Ka nwɔ́ tɔ́n nwooɠaa hon, ka lɛɛ nwɔ́ tíɓoɠaa pulu; ɲą́ą́ ɓə gáá a Yai-Laa ka wɔ Yálá.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Levetekɔ 18:1

Yai-Laa ə hvaa Moisə pɔ,

Levetekɔ 18:30

«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»

Levetekɔ 20:23

Nu huwui tii gáá di kpɛi ka tɔwɔi, ka hvo hvilɛn di wɔɔ yɛnɛ̨ɛ̨ kɛ pələ pulu; dúwɔ́ ɲɔ̨nŋąą tii kɛi di mo, yili ɓə gɛ di ɓɛlɛ yɛ kpɛɛ la gwə́i;