Biblia Todo Logo
Bib sou entènèt

- Piblisite -




Levetekɔ 17:5 - Yálá laawoo hɛɓɛ (dc)

5 Yili a kɛ tii, Israɛlə lonnii di hva taatɛlɛɛ ta kulɔ a haláá lɔwɔi, kɛlaa, mąąnɛ̨ɛ̨ di paa la ɉaláá laa həli mun bɔ gee kaa kələ laaləi, yɛ gulɔ a liilaa haláá Yai-Laa ɓa.

Gade chapit la Kopi

Yálá laawoo hɛɓɛ

5 Yili a kɛ tii, Israɛlə lonnii di hva taatɛlɛɛ ta kulɔ a haláá lɔwɔi, kɛlaa, mąąnɛ̨ɛ̨ di paa la ɉaláá laa həli mun bɔ gee kaa kələ laaləi, yɛ gulɔ a liilaa haláá Yai-Laa ɓa.

Gade chapit la Kopi

Bible

5 Nyíŋi su kulâi ƃa zâla kula taa-tulɛ ŋai kélee Eezuɛ-ŋai da kâa bàa kwaa da kpɛ́ni-ŋa mai, fɛ̂ɛ dí pá la zâla láa soŋ puui pɔ́ Yâwɛɛ ŋɔpɛ́rɛi lá a gɛɛ dí gùla a sâla Yâwɛɛ mɛni ma.

Gade chapit la Kopi




Levetekɔ 17:5
20 Referans Kwoze  

Laa kala nuą kaa ə́ pɔɔli, diɛ nuą ɲąątɔɔ ɲąmą pu mɛ̨nį ɓa. Da kɛ haláá kɔ̨nɔ̨n mįi yeeɠaa nwuɔ̨ ə́ pɔɔli, mɛ̨nįi hva nu mąąhon, da gɛ ə́ pɔɔli.


nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.


Ə kɛi haláá kulɔ, yɛ lansan kələn ɉali kɔ́iɠaa ɓa, ɲeeɠaa tonna, da nwɛlaɠaa hu.


Diɛ hali kɔ́iɠaa tɔɔ, diɛ wuluɠaa tɔɔ, diɛ haláá kulɔ mą, ɲeeɠaa kəlee nwuɔ̨, da wuluɠaai nąą ŋąąnɛ̨ɛ̨ mą di mu.


Ə haláá kulɔ, ə lansan kələn nuą di wɔ hali kɔ́iɠaa tii ɓa, da ɲee kpukpuɠaa tona, ə mą kɛ, da wulu kpɛa kpɛaa mu, yiiɠaai kɛ di laa ŋąąnɛ̨ɛ̨ diɛ.


Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.


Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.


Yili pulu, ə Israɛlə hilɛlɛa tɔɔ yiliɠaai di Yálá mąąwiɛ haláá kulɔ, di nįŋɛ̨ gbɔnŋaa paa Yai-Laa ɓa a liilaa haláá.


Yili pulu, di haláá kulɔ laa ɲee ɓa, di di kwɛlɛ nuą təli, da diɛni di mįi, naa mįi kɛɛ pulu, da diɛni di yii laa ɲee ɓa.


Abrahamə yɛ gaa ɲɛ̨i laai gwɛlɛ, ə ɓɛlaa hilɛ ta kaa tɔɔni gwɛlɛ, kpɔlɔ aa kpəlaan mįnɛ̨ ɓa, ə li ə ɉon, ə gulɔ a haláá, a non mąąhvalin.


Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»


Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa.


a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.


Ɉaláá laa həli mun a ɲąmą taɠa Yai-Laa nwɔ haláá kəhi ɓa gee kaa kələ laaləi, yɛ nwulɔ kələn, haláá mąą kun nɛ̨ɛ̨ li yɛ Yai-Laa lííla.


Volóɠaai tii da tɛɛi, voló mɛ̨ihaaɓa yələ da voló yii tiiɠaai ɉaláá laa həli nuą da ka wɔ haláái laa həli la ɉaláái da gəlee kələn, ə pɛlɛ la ka wɔ liilaa halááɠaai diɛ, di gulɔ ɉaláá kulɔi, nąąlɔwai ŋą́ ɲɛ̨i lɛlɛɛ hee kɛa kaa. Mɛ̨nį kəlee ŋą Hééɓomun Yálá woo li.


«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.


Nąąlɔwai tii, nuą di kɛi ni haláá kulɔ ɲeeɠaa ɓa, ɓɛi di nąą pɛli; mąąhɔlɔɓo, di hvo nii kɛ pɛlɛ́ tɔɔ li a Yai-Laa nwɔɔ.


Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.


Swiv nou:

Piblisite


Piblisite