Biblia Todo Logo
Bib sou entènèt

- Piblisite -




Levetekɔ 17:11 - Yálá laawoo hɛɓɛ (dc)

11 Mąąhɔlɔɓo, hɛn kpɔ gaa a vulú, nwɔ yɛnɛ̨ɛ̨ kaa ɲąmą hu. Ɛlɛɛ, ŋį́ dɛɛ ka pɔ, kaa pɛli ka wɔɔ yɛnɛ̨ɛ̨ nwun mąąɓo haláá kulɔi la ɉaláá kulɔ kəhi mɛ̨i. Mąąhɔlɔɓo, ɲąmą ɓə da ka wɔ yɛnɛ̨ɛ̨ nwun mąąɓo la.

Gade chapit la Kopi

Yálá laawoo hɛɓɛ

11 Mąąhɔlɔɓo, hɛn kpɔ gaa a vulú, nwɔ yɛnɛ̨ɛ̨ kaa ɲąmą hu. Ɛlɛɛ, ŋį́ dɛɛ ka pɔ, kaa pɛli ka wɔɔ yɛnɛ̨ɛ̨ nwun mąąɓo haláá kulɔi la ɉaláá kulɔ kəhi mɛ̨i. Mąąhɔlɔɓo, ɲąmą ɓə da ka wɔ yɛnɛ̨ɛ̨ nwun mąąɓo la.

Gade chapit la Kopi

Bible

11 Fúlu-sɛŋ kélee ŋɔfúlu-laai káa ŋ̀ãa su. Maa mɛni ƃé ŋa dɛ̀ɛ la kápɔ a gɛɛ ká sâla kula la ŋ̀âla-teƃelei ma kásɔnyɔ̂ŋ su mɛni lɛ̂ɛ mɛ̂ni ma. Ŋãa nyii gáa a fúlu-laai a sɔnyɔ̂ŋ siɣe.

Gade chapit la Kopi




Levetekɔ 17:11
24 Referans Kwoze  

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.


Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.


Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.


ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,


Jesus ə mo diɛ, yɛ diɛ: «Yii kaa a ɲą́mą, ŋą́mą yii gaa a mįnɛ̨ ka Yálá ni ka lɔwai. Gaa a ŋą́mą yii gaa pai pui nu tamąą mąą mɛ̨nį ɓa.


Kɛlaa, ka hvə huwɔ ta nɔ̨ɔ̨ lɛɛ ɉu, ka hvo mį́i, yili mukulaa ɓaa: Ka hvo huwɔ ɲąmą mį́i.


Non ti háálai ɓə gwaa kulɔ la haa hu, aa gu wɔɔ nɛ̨ŋɛ̨nŋąa mąąhvaalɛɛ.


Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.


Yili ɓə gɛ, Jesus yaa kpɛlimąn, di baa daa pulu pələ, ə gɛ, ə nuą mąąhəɠə a gbɔwɔ ɲąmą.


Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.


Mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu, akɛ gaa nii a vulú. Yili mąą mɛ̨nį ɓə ŋą́ kɛ la Israɛlə lonnii diɛ: ‹Ka hva pɛli hɛn da lɔpee ɲąmą lɛɛi ɉu ka hvo mįi; mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu. Nui a da mįi, mąąnɛ̨ɛ̨ di gulɔ mɛlaa lɔwai.›


diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!


ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.


Ɛlɛɛ, yiihui ŋɛ̨i, aa gu mąąhəɠə la a ɲąmą, gu hvomun təɠa kɛ yii ŋɛ̨i kɛa, gaa pai gu nwun mąąɓoi la Yálá nwɔ lííholi yəi.


Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,


Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.


Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»


«Aarɔn ə nįŋɛ̨ gbɔn ɉəɠə, ə naa həli Yai-Laa ɓa, da ɲəi bɛlɛ́n nuą di wɔ nɛ̨ŋɛ̨n mąąhvaalɛɛ mɛ̨nį ɓa, ə nįŋɛ̨ nwun dee.


Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.


Yili mąą mɛ̨nį ɓə ŋą́ kɛ la Israɛlə lonnii diɛ: ‹Maa hvo nɛ̨ɛ̨li ka ta hvo ɲąmą mįi; ə mą kɛ a nwɛ̨ąi gaa heeni ka kɔ́wɔ mɛ̨i, mąą hvo nɛ̨ɛ̨li ə ɲąmą mįi.›


Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.


Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.


Kɛlaa, hɛɠɛ-hɛɠɛ nee hɛɠɛ-hɛɠɛ nąn, ka hvo huwɔ ɲąmą mį́i, mąąhɔlɔɓo, kɛ yɛnɛ̨ɛ̨ kaa ɲąmą hu. Mąą hvo nɛ̨ɛ̨li ka hvo hɛn da nwɔ yɛnɛ̨ɛ̨ lɛɛ ɉu ka hvo mį́i.


Swiv nou:

Piblisite


Piblisite